A qodiriy nomidagi jizzax davlat pedagogika instituti tarix fakulteti

1.1.Fanning maqsadi va vazifalari

O‘zbekistonning jamoat inshoatlari va muqaddas qadamjolari tarixi fanining maqsadi O‘zbekistan Respublikasining “Madaniy meros obyektlarini muhofaza qilish va ulardan foydalanish to‘g‘risida”gi qonuni ijrosini ta’minlash hamda tarixiy, madaniy va me’moriy yodgorliklarni asrab-avaylash, ularni kelajak avlodlarga yetkazish choralarini kurish va yodgorliklarning davlat muhofazasini ta’minlash, Vazirlar Maxkamasining 2002 yil 29 iyuldagi 269-sonli "Madaniy meros obyektlarini muhofaza qilish va ulardan foydalanishni yanada takomillashtirish chora-tadbirlari to’grisida"gi Qarori va "Madaniy meros obyekt­larini muhofaza qilish va ulardan foydalanish masalalarini muvofiqlashtirish bo’yicha Idoralararo komissiya to’g’risidagi Nizom", "O’zbekiston Respublikasi madaniy meros obyektlari davlat kadastrini yuritish to’g’risidagi Nizom" va "Madaniy meros obyektlarining tarixiy-madaniy ekspertizasi to’g’risi­dagi Nizom"lar, Vazirlar Mahkamasining "Tarixiy obidalar, ziyoratgohlar va qadamjolarda aholiga hamda sayyohlarga xizmat ko’rsatishni yanada yaxshilash choralari to’g’risida”gi majlisi bayonnomasi talablarini bajarishdan va yurtimizdagi mavjud tarixiy jamoat inshoatlari, muqaddas qadamjolar va ziyoratgohlar bilan bo‘lajak tarix fani o‘qituvchilarini tanishtirishdan iborat.

O‘quv fanining vazifalari:

- “Ta'lim to‘g‘risida”gi qonun va Kadrlar tayyorlash milliy dasturida aks etgan vazifalarni amalga oshirish;

- Didaktika nazariyasi bilan ta'lim amaliyoti aloqasini ta'minlash;

- talabalarga ta'lim - tarbiya jarayonida vatanga sadoqat, ajdodlar qoldirgan boy madaniy merosga hurmat hissini uyg‘otish;

- noananaviy dars shakllaridan biri bo‘lgan ekskursiya darslarini yuqori savida o‘tkaza olishni o‘rgatish;

- Bugungi kundagi zamonaviy ilm-fan muassasalari va shifoxonalarning ilk poydevorlari va rivojlanish bosqichlari to‘g‘risida ma’lumot berish;

- Talabalarga o‘zlari yashab turgan hududlaridagi aholi tomonidan muqaddas deb bilgan qadamjo va ziyoratgohlarni ilmiy nuqtai-nazardan tahlil qila olish ko‘nikmalarini shakllantirish;

- Muqaddas qadamjo va ziyoratgohlar tarixini o‘rganishda axborotchilar va dala tadqiqotlaridan ma’lumotlar to‘plash malakalarini shakllantirishdan iborat.