A. Qodiriy nomidagi Jizzax davlat pedagogika instituti Matematika va Informatika fakultetida Matematika va Informatika ta’limi yo‘nalishi 114-20,115-20,116-20 guruh talabalariga " Kompyuter ta’minoti" fanidan ta

A.Qodiriy nomidagi Jizzax davlat pedagogika instituti Matematika va Informatika fakultetida Matematika va Informatika ta’limi yo‘nalishi 114-20,115-20,116-20 guruh talabalariga “ Kompyuter ta’minoti” fanidan tashkil etilgan «Antivirus dasturiy vositalar. Kompyuter viruslarining xarakteristikalari,viruslarni aniqlash va ulardan himoyalanish » mavzusidagi o‘tkazilgan ochiq dars


B A YO N N O M A S I

11.10.2021 y.

Qatnashdilar:R.Yusupov-informatika o’qitish metodikasi kafedrasi mudiri, informatika va uni o’qitish metodikasi kafedrasi professor-o‘qituvchilari, Jizzax politexnika instituti Axborot texnologiyalari kafedrasi o’qituvchisi U.Xasanov


K U N T A R T I B I:
1. Har xil masalalar
a) kafedra o‘qituvchisi Xonimqulov Ulug'bek Suyunboyevichning ochiq ma’ruza darsi muhokamasi.
ESHITILDI:
Kun tartibidagi masala bo‘yicha kafedra mudiri dots. Yusupov R.M. so‘zga chiqdi va kafedraning “2020-2021 o‘quv yili ish rejasi”ga asosan o‘qituvchi Xonimqulov Ulug'bek Suyunboyevichning 2021 yil 11 oktyabr kuni 1-juftlikda Matematika va Informatika fakultetida Matematika va Informatika ta’limi yo‘nalishi 114-20,115-20,116-20 guruh talabalariga “ Kompyuter ta’minoti” fanidan “Antivirus dasturiy vositalar. Kompyuter viruslarining xarakteristikalari,viruslarni aniqlash va ulardan himoyalanish” mavzusida ochiq ma’ruza dars o‘tganini va bu darsda o‘z oldiga qo‘yilgan maqsadga imkon qadar erishganligini ta’kidlab o‘tdi. Bundan tashqari o‘qituvchining nutq malakasi, yangi pedagogik va axborot texnologiyalaridan foydalana olish qobiliyati to‘g‘risida ham to‘xtalib o‘tdi.
Shundan so‘ng, ushbu muhokama yuzasidan kafedra katta o’qituvchisi X.Tangirov so‘z berildi. X.Tangirov so‘zga chiqib, o‘qituvchi U.Xonimqulov darsga yaxshi tayyorgarlik ko‘rganligini, talabga javob berishini, axborot ko‘lami ko‘p qirraliligini, darsga ijodiy yondosha olganligini, mavzuning maqsadi va vazifalarini talabalar ongiga izchillik bilan uzviy bog‘liqlikda etkaza olganligini va amaliy ko‘nikmalar hosil qila olganligini ta’kidlab o‘tdi.
Shuningdek, kafedra dotsenti, t.f.n. D.Botirov so‘zga chiqib, o‘qituvchi U.Xonimqulov darsni uslubiy-texnik jihatdan yaxshi tashkillashtirganligini, darsda barcha talabalarni mashg‘ulotga jalb qila olganligini va ularni baholay olganligini, bu esa o‘qituvchi mahoratidan dalolat berishini ta’kidladi.
Shundan so‘ng, kafedra a’zolaridan katta o‘qituvchi A.Begbo‘taev, o‘qituvchilar U.Mamatqulov, F.Raxmonqulovlar so‘zga chiqib, mavzuning dolzarbligini, taqdimot yaratish va undan foydalanish o‘rgatilganligini, talablarda bilim, ko‘nikma va malakalar hosil qilinganligini, o‘qituvchining mahorati talabga to‘liq javob berishini, nutqining ravonligini, milliy adabiy tilda va ilmiy, zamonaviy axborot texnologiyalari terminlarini tushunarli tarzda bayon etilganligini, tarqatma materiallardan maqsadli foydalana olganini ta’kidlab o‘tdilar.

Qisqacha muhokamadan so‘ng kafedra yig‘ilishi qaror qiladi:

QAROR:
1. Informatika va uni o’qitish metodikasi kafedrasi o‘qituvchisi U.Xonimqulovning Matematika va Informatika fakulteti Matematika va Informatika ta’limi yo‘nalishi 114-20,115-20,116-20 guruh talabalariga “Kompyuter ta’minoti” fanidan “Antivirus dasturiy vositalar.Kompyuter viruslarining xarakteristikalari,
viruslarni aniqlash va ulardan himoyalanish” mavzusida o‘tkazilgan ochiq amaliy darsi na’munali o‘tdi deb topilsin.
2. Yuqorida keltirilgan fikrlar inobatga olingan holda, barcha o‘qituvchilarga darslarni shu tarzda tashkillashtirish tavsiya etilsin hamda darslarni yanada samarali tashkillashtirish va olib borish chora tadbirlari ko‘rilsin.
3. Ushbu qaror ijrosini nazorat qilish kafedra mudiri zimmasiga yuklatilsin.


Yig‘ilish raisi: dots. R.Yusupov


Kotibi: katta o’q.Mamatqulova U