A. N. Samadov, O. S. Jumanov

Idish-tovoq  yuvish  asboblari.  Ular  suvni  isitadigan  elektr  isitkich, 
suvni  sachratadigan  turbina  va  uni  aylantiradigan  dvigatellardan  tashkil 
topgan. Ba‟zilarida qurituvchi moslama ham bor. 
Kir yuvish asboblari. Bu guruhga kir yuvish, quritish va dazmollash 
asboblari  kiradi.  Kir  yuvish  mashinalari  barabanli  va  lappak  (disk) 
aktivatorli  bo„ladi.  Barabanli  mashinalarda  kir  yuvish  jarayoni  to„liq 
avlomatlashtirilishi mumkin. Suv induksion usulda isitiladi. Baraban qattiq 
magnitli  qotishmalardan  (alni,  alniko,  alnisi)  yasalib,  transformatorning 
ikkilamchi  cho„lg„am  vazifasini  bajaradi.  Xavfsizlik  nuqtai  nazaridan 
ikkilamchi  cho„lg„am  o„ramlari  12  V  ga  mo„ljallanadi.  Qattiq  magnitli 
qotishmada  uyurma  toklari  hosil  bo„lishi  natijasida  baraban  qiziydi. 
Lappak  aktivatorli  mashinalarda  kir  sentrifuga  yoki  suvsizlantiruvchi 
rezina  jo„vasi yordamida siqiladi.  Kir alohida uskunalarda  quritiladi, ular 
ilgak shaklida bo„lib, tagida issiq ventilyator ishlab turadi. 
Dazmollash  uchun  maxsus  uskunalar  va  dazmollar  mavjud.  Ular 
po„lat jo„valardan iborat bo„lib, oddiy shakldagi kirlarni (choyshab, yostiq 
jildi, sochiq-dasturxon, ichki kiyimlarni) dazmollay oladi. Maxsus uskuna 
va  dazmollarning  isitish  qismi  mikanitga  o„ralgan  nixrom  simidan  iborat. 
Mikanit  -  gliftal  yoki  pentaftal  qatroni  bilan  shimdirilgan  xillarda  ishlab 
chiqariladi.  Termoregulyator  kapron,  neylon,  atsetat  uchun  110°C,  ipak, 
lavsan, va jun uchun 150°C, paxta va zig„ir uchun 200°C issiqlik yaratib 
beradi.  Uning  ishi  bimetall  taxtachasining  harorat  ta‟sirida  egilishi  va 
to„g„rilanishiga asoslangan. 

---

227