A. N. Norchayev, T. B. Sadikov, M. Z. Nurfayziyeva mintaqaviy turizm

Qoraqalpog‘iston Respublikasi haqida umumiy ma’lumot

Aholisi soni	1 817,5 (shahar aholisi – 888,3, qishloq aholisi –
	914,1) ming	kishi
Yer maydoni	166,6 ming km.kv.
Ma’muriy-hududiy bo‘linishi	14 tuman, 12 shahar, 14 shaharcha va 124
	fuqarolar yig‘ini
Markazi	Nukus shaxri
Chegaralari	Qozog‘iston	Respublikaci,	Turkmaniston
	Respublikaci, Xorazm viloyati, Navoiy viloyati

Qoraqalpog‘iston Respublikasi O‘zbekistonning shimoliy-g‘arbiy qismida, Amudaryoning quyi qismi, Orol dengizining janubiy sohilida joylashgan. Shimoldan va g‘arbdan Qozog‘iston Respublikasi, janubdan Turkmaniston Respublikasi, sharqdan O‘zbekistonning Navoiy viloyati va janubiy-sharqdan Xorazm viloyati bilan chegaradosh.

Qoraqalpog‘iston umumiy yer maydoni 166,6 ming kvadrat kilometrdan iborat.

Respublikaning aholisi 01.01.2017y holatiga 1 million 817 ming kishidan ziyoddir.

Respublikada 14 (Amudaryo, Beruniy, Qorao‘zak, Kegayli, Qo‘ng‘irot, Qonliko‘l, Muynoq, Nukus, Taxtako‘pir, To‘rtko‘l, Xo‘jayli, Chimboy, Sho‘manoy, Ellikqal’a) tuman va Nukus shahri, 386 ta MFY va OFY lari mavjud. Respublikaning oliy ijroiya hokimiyati Qoraqalpog‘iston Respublikasi Jo‘qorg‘i Kengesi tomonidan tasdiqlangan Vazirlar Kengashi hisoblanadi. Respublika Vazirlar Kengashi tarkibiga Kengash Raisi, Raisning o‘rinbosarlari, vazirlar, davlat qo‘mitalari raislari, yirik konsyern va birlashmalar rahbarlari kiradi. Qoraqalpog‘iston Respublikasi Vazirlar Kengashi Raisi, o‘z vazifasiga ko‘ra, O‘zbekiston Respublikasi Vazirlar Mahkamasining tarkibiga kiradi. O‘zbekiston Respublikasi poytaxti - Toshkent

206
shahrida, O‘zbekiston Respublikasi Vazirlar Mahkamasi huzurida Qoraqalpog‘iston Respublikasining doimiy vakolatxonasi faoliyat ko‘rsatadi.

Qoraqalpog‘istonning poytaxti Nukus shahrida yirik sanoat korxonalari, banklar, O‘zbekiston Respublikasi Fanlar akademiyasi, Badiiy akademiya, YOzuvchilar, Kompozitorlar, Arxitektorlar uyushmalarining bo‘lim va filiallari, teatr va muzeylar, kinostudiya, ommaviy axborot vositalari faoliyat ko‘rsatmoqda.

2003 yilda Nukus shahri mamlakatimiz rivojiga qo‘shayotgan katta hissasi, iqtisodiy-ijtimoiy hayotning ko‘plab sohalarida qo‘lga kiritayotgan salmoqli yutuqlari hamda millatlararo totuvlikni mustahkamlash borasidagi xizmatlari uchun Birinchi Prezidentimiz Islom Karimov farmoniga binoan “Do‘stlik” ordeni bilan mukofotlandi.

Mintaqada sanoat, qishloq xo‘jaligi, kichik biznes va xususiy tadbirkorlik, savdo, xizmat ko‘rsatish, san’at, sport kabi sohalar izchil rivojlanmoqda.