A. N. Norchayev, T. B. Sadikov, M. Z. Nurfayziyeva mintaqaviy turizm

Tayanch iboralar. Ziyorat, islom, xristian, Quddus, Imom Buxoriy, Ibodat, obida


Savol va topshiriqlar:

1. 
   Fikr bildiring, ziyorat turizm to‘g‘risida tushuncha bering?
   

2. 
   Nima deb o‘ylaysiz, O‘zbekistonda ziyorat turizmni rivojlantirish imkoniyatlari qanday?
   
3. 
   O‘zbekistonning islom obidalariga ta’rif bering?
   

48
8- bob. MINTAQALARDA QISHLOQ TURIZMINI RIVOJLANTIRISH RESURSLARI


8.1. Agroturizm tushunchasi va turlari

Bugungi kunda turizm jahondagi eng ko‘p foyda keltiruvchi biznes ko‘rinishlaridan biriga aylangan. U bozor iqtisodiyotining ajralmas qismi bo‘lib, danyoning ko‘pgina mamlakatlarida tezkorlik bilan rivojlanib borayotgan tarmoqqa aylandi. Turizm sohasi jahon xo‘jaligining transport, aloqa, savdo-sotiq, qurilish industriyasi, qishloq xo‘jaligi, iste’mol mollari ishlab chiqaruvchi sanoat tarmoqlari bilan chambarchas holda rivojlanib, jahon iqtisodiyotida o‘z o‘rniga ega bo‘lmoqda.

Jahon tajribasida turizmning agroturizm shakli keng rivojlanmoqda. Agroturizmni mamlakatimizda rivojlanishi istiqbollari porloq hisoblanadi. Chunki, mamlakatimiz agrar-industrial xo‘jalikka ega bo‘lib, asosiy mehnat resurslarimiz qishloq xo‘jaligida band. Undan tashqari, mamlakatimiz rekreatsiya resurslariga boy hisoblanib, rekreatsiya faoliyati tarmoqlarini rivojlantirish mumkin. Bozor iqtisodiyotiga o‘tuvchi mamlakatlar uchun moliyaviy resurs manbalari o‘ta zarur hisoblanadi. Shu jihatdan oladigan bo‘lsak, agroturizm yuqori daromat keltiruvchi xizmat ko‘rsatish sohasi hisoblanadi. Mutaxasislar agroturizmni besh turini ajratishadi:

• 
  Sport;
  

• 
  Madaniy – tanishuv;
  

• 
  Fermerchilik;
  

• 
  Ish yuzasidan faoliyat;
  

• 
  Ekologik.
  

Bunda, birinchi ikkitasi ijtimoiy ahamiyatga, keyingi ikkitasi ishlab chiqarish ahamiyatiga ega. Fermerchilik asosida agroturizmni tashkil etish asosida qishloq xo‘jaligi mahsulotlari ishlab chiqarish faoliyati yotsa, ish yuzasidan agroturizm ilmiy

– texnik hamkorlik, qo‘shma korxonalar tashkil etish va boshqa faoliyatlarda shakllanadi.

49
Agroturizmni rivojlantirishni o‘ziga xos xususiyatlariga ega. Bularga quyidagilar hisoblanadi:

x qishloq joylarida joylashish va ovqatlanish shaharga nisbatan 2-2,5 marotaba arzonligi;

x qishloq joylarining ekologik jihatdan tozaligi;

x ekologik toza ovqat turlarining mavjudligi;

x etnografik turizm obyekti sifatida, qishloq joylarida milliylikni ko‘proq saqlanib qolganligi va boshqalar.