А. Бурханов, К. Рахматов

Интенсив иқтисодий ўсиш 
- ишлаб чиқариш омилларини ривожлантириш 
ва улардан фойдаланиш самарадорлигини ошириш орқали маҳсулот ишлаб 
чиқариш ҳажмининг кўпайиб бориши. 
Иқтисодиётни эркинлаштириш 
- бу хўжалик ҳаётининг барча 
соҳаларидаги тўсиқ ҳамда чекловларни, шунингдек, давлат назоратини 
кескин равишда қисқартириш ёки бекор қилишга йўналтирилган чора-
тадбирлар тизими. 
Ишлаб чиқаришни модернизациялаш 
- ишлаб чиқаришни замонавий 
технологиялар билан жиҳозлаш, уни маънавий жиҳатдан янгилаш, таркибий 
жиҳатдан техник ва технологик қайта тузиш каби чора-тадбирларни ўз ичига 
олувчи жараён. 

---

583
Ишлаб чиқаришни концентрациялаштириш 
- бу маҳсулот тайёрлаш, 
иш бажариш ёки хизмат кўрсатишни энг йирик корхоналарда тўплаш 
жараёнидир. 
Ижтимоий такрор ишлаб чиқариш 
- жамият миқёсида ишлаб чиқариш 
жараёнларининг мунтазам равишда янгиланиб ва такроран амалга оширилиб 
туриши. 
Ислоҳотлар концепцияси 
- ижтимоий-иқтисодий ислоҳотларнинг 
асосий мақсад ва йўналишлари, уни амалга оширишнинг вазифалари ва 
стратегик йўлларининг умумий ғояси. 
Ижтимоий 
сиёсат 
- 
давлатнинг 
даромадлар 
тақсимотидаги 
тенгсизликни, иқтисодиёт қатнашчилари ўртасидаги зиддиятларни бартараф 
қилишга йўналтирилган сиёсат. 
Ижтимоийлашув 
- шахснинг муомала ёрдамида мазкур жамоага, 
гуруҳга, жамиятга хос бўлган нормаларни, қадриятларни, йўл-йўриқларни 
ўзлаштириш асосида унинг шаклланиш жараёни. 
Иқтисодий ўсиш мезони 
- иқтисодий ўсишни нисбатан тўлиқ даражада 
баҳолаш имконини берадиган кўрсаткични характерлайди. 
Истеъмолга кейинги қўшилган мойиллик 
- даромад ҳажмининг 
ўзгариши натижасида истеъмол сарфлари ҳажмининг ўзгариши даражаси.