А. Бурханов, К. Рахматов

Назорат саволлари 
1. Мамлакат ташқи иқтисодий потенциалини аниқловчи энг муҳим 
иқтисодий кўрсаткичларга нималар киради? 
2. Мамлакатда экспорт ҳажмларининг салмоқли ўсишини таъминлашга 
тўсқинлик қилаётган омилларни изоҳлаб беринг? 
3. Нима учун умуман олганда давлатнинг экспорт салоҳиёти импортга 
нисбатан юқори бўлиши керак? 
4. 
Ихтисослашув натижасида мамлакатнинг ишлаб чиқариш 
самарадорлигини ошиши сабабларини асослаб беринг? 
5. Мутлоқ устунлик назариясини мазмуни ва моҳиятини тушунтириб беринг? 
6. Мамлакатимизда мева-сабзавот маҳсулотларини экспорт қилиш 
механизмини соддалаштирилгани натижаларини нималарда кўрамиз? 
7. Ўзбекистонда хорижий капитал иштирокида ташкил этилган корхоналар 
сонининг ўсиши динамикаси қандай имкониятлардан далолат беради? 
8. Республика ташқи савдо айланмасида юқори улушга эга давлатлар 
билан ҳамкорлик тўғрисида маълумотлар беринг? 
9. Мамлакатимизда тўқимачилик саноати экспортининг истиқболлари 
ҳақида сўзлаб беринг?

---

468
14-МАВЗУ: КЛАСТЕР СИЁСАТИ МИНТАҚАВИЙ 
РИВОЖЛАНИШНИНГ ВОСИТАСИ СИФАТИДА 
Режа: 
14.1.Минтақавий иқтисодиётда кластернинг иқтисодий мазмуни 
14.2. Кластер сиёсати минтақавий ривожланишнинг воситаси 
сифатида 
14.3. Ўзбекистонда кластерлар фаолиятини ташкил этишнинг ўзига 
хос жиҳатлари 
Таянч тушунча ва иборалар: 
кластер, рақобатбардош, трансмиллий 
компания, саноат комплекси, илдиз фирма, агломерация, трансформация, 
инновация, ишбилармонлик муҳити, инфратузилма, институционал зичлик.
14.1.Минтақавий иқтисодиётда кластернинг иқтисодий мазмуни 
Сўнгги йилларда кластерларга бўлган қизиқиш кескин ошди. Замонавий 
макон ижтимоий ривожланиш ва иқтисодий ландшафтнинг шаклланишига 
уларнинг таъсири тобора сезиларли бўлиб бормоқда. 
Кластер модели мавҳум назарий ғоя эмас, у ўзлаштирилишига яхши мос 
келади ва бошқарув амалиётига аниқ «чиқиш» га эга. «Кластерларга бўлган 
қизиқиш кучайиб кетди, чунки улар иқтисодий ҳақиқатни тасвирлашнинг 
бир йўли эмас, балки амалий таъсир механизмидир»
73
.