A ahronqulov, A. Rahmonqulov jahon bolalar adabiyoti namoyondalari

REDYARD JOZEF KIPLING (1865–1936) 

 

 

Redyard  Jozef  –  jahonda  yosh  kitobxonlar 

tomonidan  eng    ko’p  asarlarini  sevib  mutolaa 

qilinadigan  ingliz  adiblaridan  biri.  U  1865-yilda 

Londonda 

tug’ilgan. 

Uning 

otasi 

Jozef 

ingliz 

saltanatining  Hindistondagi  yirik  amaldorlaridan  edi. 

Shu  bois,  Redyardning  ilk  bolaligi  Hindistonda  kechdi. 

Boshlang’ich  ta’limni  shu  yerda  oldi.  Hind  va  bengal 

tillarini,  mahalliy  xalq  urf-odatlarini,  xalq  og’zaki 

afsonalarini  sinchkovlik  bilan  o’rgana  boshladi.  Oliy 

ta’limni  Angliyada  xatm  qildi.  Juda  yoshligidan  she’riy  ijod  bilan  ham 

shug’ullanadi.  Shu  bilan  birga,  nasriy  ijodga  ham  qo’l  urdi.  1886  yilda 

«Departament navolari» she’riy to’plami va 1888 yilda «Tog’dagi oddiy ertaklar» 

hikoyalar  to’plamlarini  nashr  ettirdi. Kipling  o’zining she’r  va hikoyalarida  anglo 

sakson  irqining  Sharqning  «qoloq»  xalqlari  orasidagi  «Madaniyatparvarlik» 

faoliyatini  ko’klarga  ko’tarib  maqtadi.  1889  yilda  nashr  etilgan  «Oq  irqning 

tashvishlari» she’riy to’plamida bu g’oyalarni yanada izchillik bilan tashviq etdi. 

Kipling 90-yillarning oxiridan boshlab yozuvchi sifatida mashhur bo’ldi. U 

«Nur so’ndi» (1890)  nomli ilk romanida iste’dodli musavvirning fojiaviy-hayotiy 

sarguzashtini  juda  ta’sirli  bayon  etdi.  1901  yilda  bitilgan  «Kim»  romanida  ingliz 

saltanati  tojiga  xizmat  qilgan  aqlli  o’g’lonning  hayoti  haqida  qiziqarli  rivoyat 

yaratdiki,  u  o’zining  mazkur  asarlari  vositasida  g’arb  kitobxonlari  orasida  katta 

shuhrat  qozondi.  Shu  tariqa,  Kipling  1890-1910  yillar  orasida  birin-ketin  «Qal’a 

qo’shiqlari»,  «Yetti  ummon»,  «Besh  millat»  kabi  bir  qattor  she’riy  to’plamlarini 

e’lon  qildi.  Mazkur  to’plamlariga  jamlangan  she’rlarida  askarlar,  kichik 

amaldorlar, ingliz  mustamlaka qo’shinining o’zga oddiy  zahmatkashlarning  hayot 

tarzi,  vatanparvarlik  tuyg’ularini  romantik  tarzda  kuyladi,  ularning  toju  taxtga 

nisbatan  bo’lgan  sadoqat  va  fuqarolik  maylllarini  ayniqsa  bo’rttirib  tasvirlashga 

intiladi. 

Kipling o’z ijodiy inkishofining ikkinchi bosqichida yarim afsonaviy qissalar 

yaratish  bilan  mashg’ul  bo’ldi.  Uning  «Dovyurak  dengizchilar»,  «Oddiy  rivoyat» 

kabi  qator  roman  va  qissalari  ravon,  qiziqarli  uslubga,  maroqli  tasvirga 

keltirilganligi  tufayli  keng  kitobxonlar  ommasi  orasida  juda  tez  shuhrat  qozondi. 

Ayniqsa,  yozuvchining  changalzor  o’rmon  (jungli)  vahshiy  hayvonlari  orasida  

yashagan    odam  farzandi  Maugli  «qurbaqacha»  sarguzashtlarini  rivoyat  qilgan 

«Jungli kitobi», «Jungli haqida ikkinchi kitob», «Rikki-Tikki Tavi» qissalari jahon 

bolalari  va  o’smirlari  adabiyotining  eng  sevimli  kitoblariga  aylanib  qoldi. 

Dunyoning juda ko’p tillariga shu jumladan, rus tiliga bir necha bor tarjima qilindi. 

Yosh  kitobxonlar  Kipling  qissalarining    ixchamlashgan  yig’iq  bayoni  bo’lgan 

---

31 

 

«Maugli» asari bilan 1956 yilda Rostov va Donda nashr etilgan nusxasidan 1974 

yilda    tarjimon  Muhsin  Zokirov  tomonidan  qilingan  tarjima  orqali  tanishish 

imkoniga ega bo’ldilar.