A ahronqulov, A. Rahmonqulov jahon bolalar adabiyoti namoyondalari

GULLIVER  OBRAZI 

 

Gulliver  obrazi  yozuvchining  katta  yutug’idir.  Gulliver  XVIII  asr 

Angliyasining o’qimishli, ma’rifatli kishisi. J.Svift qahramoni zamonasining sofdil, 

insonparvar,  haqiqatgo’y  vakilidir.  Gulliver  obrazining  o’ziyoq  roman  muallifini 

odamovilikda  ayblagan  burjua  tanqidchilarining  fikri  xato,  asossiz  ekanini 

isbotlaydi.  Chunki  Gulliver  hamma  yerda  insof,  adolat  yuzasidan  ish  ko’rib,  fikr 

yuritadi.  U  Liliputiyada  ekan,  bosqinchilik  urushlariga  qarshi  chiqadi.  Gulliver 

yerli  aholiga  yordam  berishga,  maslahatlarini  ayamaslikka  tayyor.  U  o’zining 

kamtarligi,  samimiyligi  bilan  kitobxonning  muhabbatini  qozonadi.  Qahramon 

o’zidagi  kamchiliklarini  sira  yashirmaydi,  Ayni  vaqtda  maqtanish,  kibrlanishga 

yo’l qo’ymaydi. Albatta, buyuk hajviyotchi J.Svift o’z qahramoni obrazini yaratar 

ekan, o’zidagi   bir qancha xususiyatlarni unda  jamlagan. Gulliverdagi gumanizm, 

o’zgalarning 

baxt-saodatini 

o’ylash 

– 

bularning 

barchasi 

burjua 

adabiyotshunoslarining  adib  haqidagi  tuhmatlarini  rad  qiladi.  Gulliver  o’tkir  aql  

egasi, u  hamma yerda ko’rgan-kechirganlarini chuqur idrok etadi. Qahramon o’zi 

sayohat qilib yurgan mamlakat amaldorlarining zolim bosqinchi ekanligiga qarshi 

bo’lsa,    o’tmishning  Brut  singari  ajoyib  respublikachilari  bilan  faxrlanadi. 

Qahramon obrazidagi bu xususiyatlar yozuvchining erkin ijtimoiy tuzum tarafdori 

ekanligini  ko’rsatadi.  Gulliver  obrazining  xalqchiligi  ana  shunda.  Gulliver  obrazi 

orqali  muallif  liliputlar,  olimlar  va  yexularning  Angliyadagi  barcha  prototiplariga 

qaqshatqich  zarba  beradi.  Liliputiya  mamlakatidagi  bema’niliklar  ustidan  kulish, 

olimlarning  soxtalignini  fosh  qilish,  maymun  qiyofasidagi  insonlar  –  yexulardan 

nafratlanish roman qahramonining olijanob insonligini anglatadi.