A. A. Shernaev, N. E. Jiyanova

10-BOB. SUG„ORILADIGAN YER MAYDONLARINING 
MELIORATIV HOLATINI YAXSHILASH FONDI 
DAROMADLARI VA XARAJATLARI 
 
10.1.  Sug„oriladigan yer maydonlarining meliorativ holatini 
yaxshilash fondining maqsadi va vazifalari 
 
Tuproq  unumdorligini  saqlash,  yer-suv  resurslaridan  oqilona 
foydalanish, meliorativ tadbirlarni samarali tashkil etish qishloq xo‗jaligi 
ishlab  chiqarishini  barqaror  rivojlantirishning  asosiy  omili  vazifasini 
o‗taydi.  Shu  bois  yurtimizda  mazkur  sohani  isloh  qilish  asnosi 
yerlarning  meliorativ  holatini  yaxshilashga  jiddiy  e‘tibor  qaratilmoqda. 
Zero,  Birinchi  Prezidentimiz  Islom  Karimov  alohida  uqtirganidek,  bu 
vazifa eng muhim ustuvor yo‗nalishlardan biri bo‗lib kelgan va bundan 
keyin ham shunday bo‗lib qoladi. 
Madomiki,  shunday  ekan,  Istiqlol  yillari  amalga  oshirilgan 
melioratsiya  ishlarini  sarhisob  qilish,  xususan,  ularning  samaradorligini 
baholash  orqali  tendensiyalarini  aniqlash  va  kelgusi  istiqbolli 
yo‗nalishlarini belgilab olish muhim ahamiyat kasb etadi. 
Sug‗orma  dehqonchilik  mintaqalarida  yerlarning  meliorativ  holati 
tuproqlarning 
sho‗rlanganlik, 
sho‗rtoblanganlik, 
gipslashganlik, 
botqoqlik,  sizot  suvlarining  chuqurligi  va  sho‗rlanganligi  darajasi  kabi 
asosiy  ko‗rsatkichlarga  qarab  baholanadi.  Bu  tizimning  Mustaqillik 
davridagi samaradorligini baholash jarayonini, bizningcha, quyidagi uch 
bosqichga bo‗lib tahlil qilish maqsadga muvofiqdir: