|
8.14-rasm. Kompyuterlarni 10 BASE-T tarmog‘iga ulash.
10BASE-FL uskunasi. Nisbatan yaqindan boshlab Ethernet da shisha tolali kabeldan keng foydalana boshlandi. Undan foydalanish natijasida tarmoq qismini ruxsat etilgan uzunligi sezilarli darajada oshirildi va axborot uzatishning shovqinga chidamliligi xam keskin oshdi. Tarmoq kompyuterlarining tо‘liq galvanik ajratilishi ham katta ahamiyatga ega, bu afzallik hech qanday qurilma ishlatilmasdan uzatish muxitining xususiyatlaridan kelib chiqadi. Shisha tolali kabellarning yana bir afzalligi, Fast Ethernet ga silliq о‘tish imkoniyati borligida, chunki shisha tolaning о‘tkazish xususiyati 100Mbit/s ga yetishgina emas undan ham ortiq tezlikda uzata olishidir.
Bu holatda axborot uzatish ikkita shisha tolali kabel orqali amalga oshiriladi, signallarni turli tomonga uzatiladi (16BASE-T uskunasidagidek). Ba’zi hollarda bir tashqi qoplama ichida joylashgan ikki shisha tolali kabellardan foydalaniladi, lekin kо‘pincha ikkita alohida bittali shisha tolali kabellardan foydalaniladi. Shisha tolali kabellar narxi uncha baland emas (uning narxi deyarli ingichka koaksial kabel narxi bilan barobar). Butunlay olib qaralganda, haqiqatdan qurilma va uskunalar narxi sezilarli darajada qimmat, chunki qimmat shisha tolali transiverdan foydalanishga tо‘g‘ri keladi.10BASE-FL uskunasining 10 BASE5 uskuna bilan о‘xshashlik tomonlari mavjud (bu yerda ham tashqi transiver ishlatilib, adapter bilan transiver kabel orqali ulanadi). Xuddi shuningdek 10BASE-T uskunasi bilan ham о‘xshashlik tomoni mavjud (bu yerda ham ikkita turli tomonga yо‘naltirilgan kabel ishlatilib, “passiv yulduz” topologiyasi qо‘llanilgan). Tarmoq adapteri bilan konsentratorni ulanish sxemasi 8.15-rasmda kо‘rsatilgan.
8.15-rasm. 10 BASE-FL ga adapter va konsentratorlarni ulash.
Shisha tolali transiver FOMAU deb nomlanadi (Fiber Optic MAU). U ham oddiy (MAU) transiverining hamma vazifalarini bajaradi, lekin undan tashqari uzatish uchun elektr signalini optik signalga о‘zgartiradi va teskarisiga о‘zgartirishni signalni qabul qilish jarayonida amalga oshiradi. FOMAU ham aloqa yо‘lini butunligini nazorat qiluvchi signal ishlab chiqaradi va nazorat qiladi (axborot uzatilish tо‘xtagan vaqtlarda). 10BASE-T uskunasidagidek aloqa yо‘lini butunligini yorug‘lik tarqatuvchi diodlar “Link” yordamida nazorat qilish (kо‘rish) mumkin. Transiverni adapterga ulash uchun 10BASE5 uskunasidagidek AUI standart kabeli ishlatiladi, lekin uning uzunligi 25 metrdan oshmasligi kerak.
Transiver va konsentratorlarni ulash uchun ishlatiladigan shisha tolali kabellarning uzunligi hech qanday signallarni qayta hosil qilish qurilmasini ishlatmasdan 2 kmgacha yetkazishi mumkin. Shunday qilib mahalliy tarmoqqa turli binolarda joylashgan kompyuterlarni ham ulash imkoniyati paydo bо‘ladi.
Dastlabki vaqtlarda shisha tolali aloqa repiterlar о‘rtasidagi aloqani hosil qilishga ishlatilgan. Shuning uchun birinchi standart FOIRL (Fiber Optic Inter-Repeater Link) 1980-yillarning boshida ishlab chiqilgan bо‘lib, u 1000 metr masofadagi ikki repiter oralig‘idagi aloqani amalga oshirish uchun mо‘ljallangan. Shundan sо‘ng shisha tolali transiver ishlab chiqildi, uning yordamida repiterga alohida kompyuterlarni ulash amalga oshiriladi va 10BASE-F standarti ham qabul qilindi, u о‘z tarkibiga uch turdagi segmentni qabul qilgan:
10BASE-FL uskunasi FOIRL eski standart о‘rnini egalladi. U hozirgi vaqtda eng kо‘p tarqalgandir. U ikkita kompyuter о‘rtasidagi aloqani amalga oshiradi, shuningdek ikki repiterlar о‘rtasidagi aloqani yoki kompyuter va repiter о‘rtasidagi aloqani amalga oshiradi. Maksimal masofa 2000 metrgacha;
10BASE-FV tarmoq bо‘lagi repiterli taqsimlangan asos tizim hosil qilish maqsadida bir necha repiterlar о‘rtasida axborotni sinxron almashish uchun foydalaniladi, maksimal uzunligi 2000 metr, bu uskuna keng miqyosda tarqala olmadi;
10BASE-FR tarmoq bо‘lagi - 33 tagacha kompyuterni repiter ishlatmasdan “passiv yulduz” topologiyasiga birlashtirish uchun mо‘ljallangan (buning uchun maxsus optik taqsimlagichlar (razvetvitel) ishlatiladi). Kompyuterdan taqsimlagichgacha bо‘lgan eng uzun masofa 500 m. Ruxsat etilgan uzunlikni bunchalik kamayish sababi, signalni taqsimlagichda kuchli sо‘nishidir. Bu tarmoq bо‘lagining turi ham keng tarqala olmadi.
10BASE-FL standart shisha tolali kabel ikkala uchida shisha tola uchun mо‘ljallangan abonentli ST – razyemi bо‘lishi kerak (8.16-rasmda kо‘rsatilgan BFOS/2.5 standartli). Bu razyemni transiver yoki konsentratorga ulash, 10BASE2 tarmoqdagi BNC-razyemini ulashdan murakkab emas shuningdek RJ-45 razyemi singari foydalaniladigan SC razyemi ishlatiladi. SC razyemi odatda ikkita kabel uchun mо‘ljallab ikkitadan mahkamlangan bо‘ladi (8.17-rasm). SC razyemlariga о‘xshash о‘rnatiladigan MIC FDDI razyemlari ham mavjud. Qurilmalar xarid qilinganda albatta razyemlarni kabel tomonidagisi bilan transiver yoki konsentratorlarda о‘rnatilgan razyemlarga mos tushishiga e’tiborni qaratish lozim.
Do'stlaringiz bilan baham: |
