A. A. Azlarova, M. M. Abduraxmanova bank marketingi va menejmenti

2-bob. Banklar faoliyatida menejment va uning zarurligi 
 
2.1.Tijorat banklarida menejment va uning zarurligi.
2.2.Bank menejmentining xuquqiy asoslari.
2.3.Bank menejmenti, uning mazmuni va ahamiyati. 
2.1.Tijorat banklarida menejment va uning zarurligi 
 
Bankning u yoki bu tashkiliy tuzilishi, shuningdek, normativ talablarni 
belgilashga bog‘liq bo‘ladi. Ma’lumki, bank nazorati organlari, bankni ro‘yxatdan 
o‘tkazish vaqtida tegishli hujjatlar keltirilishini, shu qatorda bank boshqaruvining 
bosh organlari, tashkiliy jihozlar, yangi kredit faoliyati xarakterini aniqlash haqida 
kiritilgan shartnomalar, ustavlarni talab qiladi. Huquqiy me’yorlarga asosan qayta 
tashkil etilgan yuridik shaxslar bank nazorati organlariga ustavda kelajakdagi 
bo‘ladigan o‘zgarishlar, xususan, faoliyat sohasining bir qismidagi bo‘ladigan 
o‘zgarishlar, tashkilotning ichki yoki kapitalidagi o‘zgarishlar haqida ma’lumot 
berib borishlari shart. Yangi bank tashkil etilganda ularning egalari bunda uning 
huquqiy shakli qanday bo‘lishini (aksionerlik, xususiy va hokazo), qanday tarkibiy 
bo‘linmalar tashkil etilishi kerakligini (boshqaruv, bo‘limlar, sektorlar) aniq 
belgilab berishlari kerak.
Banklarning qayta tashkillashuvi, uning sanatsiyasi, birikuvi va tugatilishi 
natijasida yuzaga kelishi mumkin. Bundan kelib chiqadiki, bank faoliyatini 
muvofiqlashtirishga yo‘naltirilgan tashkiliy qayta qurish ichki va tashqi sabablar 
natijasida zarur bo‘lib qoladi.
Jahonda va mamlakatimizda bozor iqtisodiyotiga asoslangan munosabatlar 
rivoji bank xizmatlari bozoridagi strategiyalarning o‘zgarishiga sabab bo‘lmoqda. 
Biznes jarayonidagi tendensiyalar, mijozlar hohish-istaklarining o‘zgarishi, o‘z 
biznesini yo‘lga qo‘yayotgan shaxslarning yangi bank mahsulotlari va xizmatlariga 
bo‘lgan talabining tijorat banklari oldiga yangi vazifalarni qo‘ymoqdalar.