4-rasm. Bank menejmentining tarkibiy tuzilishi
6
.
Boshqaruv sohalari menejmentning yo‘nalishlari hisoblanib, o‘z ichiga
moliyaviy menejment, xodimlar menejmenti, ko‘chmas mulkni boshqarish va
boshqalarni boshqarish. Bank menejmenti ham o‘z navbatida ikkiga bo‘linadi.
Bank menejmentining tarkibiy qismi hisoblangan moliyaviy menejment
alohida yo‘nalish sifatida XX asrning 50 yillarida shakllangan. Bunda asosan aktiv
va passivlarni boshqarish, kapitalni boshqarish, portfelni boshqarish kabilarni o‘z
ichiga oladi. Moliyaviy menejmentning asosiy maqsadi bank operatsiyalarini
boshqarish va ushbu jarayonda bank faoliyatidagi risklarni minimallashtirishga
xizmat qiladi.
Biz yuqorida ta’kidlab o‘tganimizdek, bank menejmenti ikki qismdan
moliyaviy va xodimlar menejmentiga bo‘linadi. Boshqaruv jarayoni nuqtai-
6
"
Bank menejmenti va marketingi" fanidan o‘quv qo‘llanma.O.A Ortiqov, I.Ya Qulliev, Toshkent Toshkent moliya
instituti, 2013 yil 8-bet.
Bank
menejmenti
Moliyaviy menejment
Xodimlar menejmenti
20
nazaridan moliyaviy menejmentning tarkibi:
1. rejalashtirish;
2. tahlil;
3. tartibga solish va nazoratdan iborat.
1. Bank
menejmentida rejalashtirish. Rejalashtirish orqali tijorat
banklarining oldiga qo‘ygan maqsadlari, faoliyat yo‘nalishlari va erishishi mumkin
bo‘lgan imkoniyatlari taxminiy hisob-kitoblarda aniqlanadi. Rejalashtirish jarayoni
o‘z ichiga kelajak va joriy prognoz rejalarni o‘z ichiga oladi. Bular bank faoliyati
davomida strategiya va taktikalarini ishlab chiqishni ta’minlaydi.
Rejalashtirish bank xoidmlari oldida turgan vazifalarni, shartlarni va
tartiblarni belgilab beradi. Mehnatni rag‘batlantirish orqali bank xodimlari
vazifalarini bajarishni ta’minlaydi. Banklararo raqobat sharoitida bankning ishlab
chiqqan rejalari yangi mahsulot va xizmat turlarini rivojlantirishga xizmat qiladi.
Rejalashtirish ko‘p qirrali jarayon bo‘lib, tijorat bankining hamma
bo‘linmalarini o‘zida qamrab oladi. Rejalashtirish jarayonida quyidagi rejalar
ishlab chiqilishi mumkin:
istiqbolli rejalar – bank oldida turgan maqsadlarga erishish uchun
uzoq muddatli resurslarni jalb qilish va uni samarali joylashtirish. Istiqbolli rejalar
bir yildan uzoq muddatga tuziladi.
joriy rejalar – qisqa muddatli davr ichida bank faoliyati yo‘nalishlarini
qamrab oluvchi aniq masalalarni o‘z ichiga oladi. Joriy rejalar tijorat bankining bir
yilgacha qisqa muddatli rejalari bo‘lib hisoblanadi.
Bank menejmentining ob’ekti. Banklar faoliyatida boshqaruvning ob’ekti
bo‘lib quyidagilar hisoblanadi:
banklar tomonidan amalga oshiriladigan operatsiyalar (aktiv, passiv va
balansdan tashqari operatsiyalar);
tijorat banklari faoliyati natijalari (bankning daromadlari, foydasi va
samaradorlik ko‘rsatkichlari);
bank xizmatlari va operatsiyalari amalga oshirishda ishtirok etuvchi
xodimlar va mutaxassislar.
Hozirgi sharoitda tijorat banklari o‘rtasida raqobatning kuchayib borishi, ular
faoliyatini boshqarishni va boshqaruv sifatini takomillashtirishni talab etadi. Bu
esa, tijorat banklari faoliyatini boshqarishning ob’ekti hisoblangan aktiv va
passivlar hajmi bilan emas, balki uning sifati, risk darajasi, likvidliligi va
daromadlilik darajasini ta’minlashni talab etadi. Demak, boshqaruv ob’ektlarini
aniqlashtirish boshqaruv sifatini oshiribgina qolmasdan, balki boshqaruvni
soddalashtirish va samarali bo‘lishini ta’minlaydi.
Bank menejmentining sub’ektlari – bu bank faoliyatini boshqarishda va
boshqarish jarayonida ishtirok etuvchi shaxslar. Bank menejmenti sub’ektlarini
ishtirok etishiga ko‘ra quyidagicha bo‘linadi:
- tashqi sub’ektlar;
- ichki sub’ektlar.
Tashqi sub’ektlar bilvosita banklarni boshqarish jarayonida ishtirok etadi va
davlat organlari bo‘lib hisoblanadi. Banklar faoliyatini boshqarishga O‘zbekiston
21
Respublikasi Markaziy banki turli usullar orqali ta’sir o‘tkazadi. Ayniqsa,
banklarning xizmatlari va operatsiyalari bo‘yicha o‘rnatilgan iqtisodiy normativlar
shu turdagi xizmatlar ko‘rsatishni boshqaradi va tartibga soladi.
Tijorat banklari tomonidan beriladigan yirik kreditlarning quyi va yuqori
chegarasiga qo‘yiladigan talablarni olaylik. Bunga asosan, tijorat banklari kredit
operatsiyalarini boshqarishda Markaziy bank belgilagan normativga rioya etishi
shart, ya’ni quyidagi nortivlarni bajarishi lozim:
- tijorat banklari tomonidan beriladigan ta’minlanmagan kreditlar birinchi
darajali bank kapitalining 5 % idan oshmasligi lozim;
- tijorat banklari tomonidan beriladigan ta’minlangan kreditlar esa, birinchi
darajali bank kapitalining 25 % idan oshmasligi lozim.
O‘zbekiston Respublikasi Markaziy banki ushbu normativlar asosida tijorat
banklarining kredit operatsiyalari tashqi tarafdan tartibga soladi va kredit risklarini
boshqarishga yordam beradi. Bundan tashqari, tijorat banklarining qimmatli
qog‘ozlar bog‘liq operatsiyalari, valyuta bilan bog‘liq operatsiyalar, ko‘chmas
mulkka qo‘yiladigan investisiyalari va boshqalar Markaziy bank tomonidan
o‘rnatilgan talablar asosida tartibga solinadi va boshqariladi.
Bank menejmentining ichki sub’ektlari, bankning ichki boshqaruv tarkibi –
aksionerlar yig‘ilishi, Bank kengashi, bank boshqaruvi hisoblanadi. Shuningdek,
banklarda tashkil qilingan departamentlar, boshqarmalar va qo‘mitalar boshqaruv
jarayoning sub’ektlari hisoblanishi mumkin.
Bank menejmentining vositalari (instrumentlari). Bank menejmentining
vositalari – bu banklar faoliyati va operatsiyalarini amalga oshirishda
foydalaniladigan ma’lum tartib qoida va me’yorlar majmuasidir. Bank
menejmentining vositalari umumbank faoliyati va aniq bir operatsiya yoki
xizmatga tegishli vositalarga bo‘linadi. Umumbank faoliyatiga tegishli vositalar
yoki me’yorlar majmuasi bank ustavidir. Chunki bankning ustavida bank amalga
oshirishi mumkin bo‘lgan xizmatlar, operatsiyalar va boshqa yo‘nalishlar o‘z
aksini topadi. Shundan kelib chiqqan holda boshqa xizmat va operatsiyalarni
amalga oshirish bo‘yicha tegishli tartiblar ishlab chiqiladi. Masalan, kredit siyosati,
depozit siyosati, investision siyosat va kadrlar siyosati kabilarga bo‘linishi
mumkin. Banklar o‘z siyosatida tegishli boshqaruv ob’ektlarini boshqarish
usullarini o‘zining ichki siyosatida aks ettiradi va shu asosda boshqaradi.
Bank menejmentini amalga oshirish tadbirlari. Bank faoliyatini boshqarish
jarayonida bank menejmenti vositalarini ma’lum ketma-ketlik asosida amalga
oshirish boshqaruv tadbiri hisoblanadi. Masalan, mijozlar talabini o‘rganish va
bankning holatidan kelib chiqib ularga xizmatlar ko‘rsatish. Boshqaruv tadbirlari
aynan bank ichki siyosatida keltirilgan tartiblarni bajarishning natijasidir. Bu
orqali, tijorat banklari oldiga qo‘yilgan maqsad va bankni rivojlantirish
masalalarini hal qilishga yordam beradi.
Huquqiy ta’minot. Bozor munosabatlarini qaror topishi va rivojlanishi bozor
iqtisodiyoti infratuzilmasining muhim tarkibiy qismi hisoblangan bank tizimi va
ular faoliyatini boshqarishning qonuniy asoslarini shakllantirish zaruratini keltirib
chiqardi. Bank va bank faoliyatiga oid huquqiy islohotlar respublikamizda bozor
22
iqtisodiyoti jarayonlariga moslashayotgan hozirgi rivojlanish davri bilan uzviy
bog‘liq holda vujudga kelmoqda. Huquqiy ta’minot bank menejmentining muhim
elementi hisoblanib, banklar faoliyatini boshqarishning huquqiy asoslarini belgilab
beradi. Har qanday munlsabatlar singari banklar va ularning boshqa sub’ektlar
bilan bo‘ladigan munosabatlari albatta huquqiy asosga ega bo‘lishi lozim. Chunki
bank va mijozlar o‘rtasida yuzaga keladigan turli holatlar ma’lum bir me’yorlar
asosida muvofiqlashtirilishi lozim. Bu esa, o‘z navbatida huquqiy asosni
shakllantirishni talab qiladi.
Banklar faoliyatini tartibga soladigan qonunchilik hujjatlariga “O‘zbekiston
Respublikasining Markaziy banki to‘g‘risida”gi, “Banklar va bank faoliyati
to‘g‘risida”gi, “Bank siri to‘g‘risida”gi, “Iste’mol krediti to‘g‘risida”gi, “Ipoteka
to‘g‘risida”gi va boshqa shu kabi qonunlar kiradi.
Huquqiy asoslarini yoritishda ularni 4 ta bo‘limga bo‘lib o‘rganamiz. Ular
quyidagilar:
1- bo‘lim. Kodeks va qonunlar. Biz yuqorida keltirib o‘tgan qonunlar 1
blokka kiritiladi.
2- bo‘lim. O‘zbekiston Respublikasi Prezidentining Farmonlari, Qarorlari,
O‘zbekiston Respublikasi Vazirlar Mahkamasining qarorlari kiritiladi.
3- bo‘lim. Qonun osti hujjatlarni ishlab chiquvchi davlat organlari –
O‘zbekiston Respublikasi Markaziy banki, Soliq qo‘mitasi, Moliya vazirligi va
boshqa shu kabi organlar tomonidan ishlab chiqiladigan yo‘riqnoma, nizom va
tartiblar kiradi.
4- bo‘lim. Tijorat banklari tomonidan mustaqil ishlab chiqiladigan ichki tartib
va siyosatlari kiradi. Banklar ichki tartib va siyosatini amaldagi qonunchilikka
muvofiq ishlab chiqadi va o‘z faoliyatida ulardan foydalanadi.
Bank va mijozlar o‘rtasidagi munosabatlarni huquqiy tartibga solish, ularni
ilmiy va amaliy jihatdan tahlil qilish dolzarb masalalardan bo‘lib, ushbu
muammolarni rivojlangan mamlakatlarning bank qonunchiligi bilan solishtirish
asosida ularni tajribasini o‘rgangan holda xulosa va tavsiyalar berish,
respublikamiz bank qonunchiligini takomillashtirishga xizmat qiladi.
Do'stlaringiz bilan baham: |