9-son –to’plam dekabr 2021 pedagoglar uz 1

19-son 1 
–to’plam dekabr 2021
 
 
pedagoglar.uz
 
392
harakatlarini, ro‘y berayotgan hodisaga munosabatini nutq bilan ifodalashga 
qiziqishini rag‘batlantirish ham ijobiy natija beradi. O’quvchining diologik 
nutqini yo’lga qo’yishda til vositalari ham juda zarur. 
Dialogni rivojlantirish nafaqat shunchaki nutqning muayyan kompozitsion 
shaklini o‘zlashtirish, balki o’quvchining ijtimoiy va shaxs jihatdan 
shakllanishining muhim tarkibiy qismi hisoblanadi. Dialogik nutq aloqa 
(intellektual mazmun) shakli bo’lib qolmay, o‘z manfaatlariga yo‘nalishni, balki 
sherikning nuqtayi nazarini, uning qiziqishlari, istaklari, kayfiyatini hisobga 
olishni ham ko‘zda tutadi. Bolalar bunday tajribani kooperativ tusdagi faoliyat 
(birgalikda yasash, chizish, jamoa o‘yinlarini o‘ynash) natijasida to‘playdilar. 
Tengdoshlari bilan dialog qilishda bola nutqi mazmundorlikka (dialog 
vaziyatidan qat’i nazar) ega bo’ladi. 
O’quvchilardagi diologik nutqni shakllantirish orqali nutqiy ko’nikmaning 
muhim bosqichi bosib o’tiladi. Shu bilan birga bu jarayon orqali o’quvchilardagi 
milliy o’ziga xoslikka ham erishib boriladi. Xalq maqollaridan, 
topishmoqlardan, nutqiy odat undovlaridan foydalanishni ham o’zlashtirib 
oladilar. Diologik nutqi yaxshi rivojlangan o’quvchilarda chet tilini o’rganish 
jarayoni ham bir muncha osonroq kechadi.
Bugungi ta’lim isloxotlari jadal tus olib, rivojlanayotgan davrda 
boshlang’ich ta’limga ko’plab mas’uliyatlar yuklanmoqda. Muhim masalalar 
qatorida o’z kuchi va bilimiga ishongan, bobolari ma’naviyatiga tayangan 
intellectual salohiyati yuqori bo’lgan yoshlarni tarbiyalash turadi, desak xato 
bo’lmaydi. Vazifaga sodiqlik esa fidokorlikdir. Yangi O’zbekistonning 
poydevori sifatli ta’limdan boshlanadi.

---