9-son –to’plam dekabr 2021 pedagoglar uz 1

 

---

19-son 1 
–to’plam dekabr 2021
 
 
pedagoglar.uz
 
6
Улуғбекнинг қизларидан бири Робия Султонбегимни Абулхайрхон ўз 
никоҳига олган эди. Робия Султонбегим хондан икки ўғил кўрди. Улар 
Суюнчхожаҳон ва Кунчкунчихонлардир.
 
Улуғ астроном Ян Гевелийнинг (1611—1687) «Астрономия даракчиси» 
номли китобида Мирзо Улуғбекнинг иккита сурати берилган. Биринчи 
суратда Улуғбек мунажжимлар илоҳи Ураниянинг ёнида овруполик тўрт 
йирик астроном — грек Птоломей (эрамиздан аввал тахминан 170 йил 
вафот килган), немис шаҳзодаси Гасс (1532—1592), даниялик Тихо Браго 
(1546—1601) ва итальян Жан Батист Риччиоли (1598—1671) билан 
тасвирланган. Иккинчисида эса яна ўша Урания билан бирга жаҳонга 
донғи 
кетган тўққизта астроном тасвирланган.
Давлатшоҳ Самарқандий «Тазкиратуш шуаро»да шундай ёзган:.. олим, 
одил, ғолиб ва ҳимматли подшоҳ Улуғбек Кўрагон юлдузлар илмида 
осмон қадар юксалиб борди, маоний илмида қилни қирқ ёрди. Унинг 
даврида фозиллар мартабаси чўққига кўтарилди...
 
Фозиллару ҳакимларнинг якдил фикрлари шуки, исломият замонида, 
балки Искандар Зулқарнайн давридан то шу дамгача Улуғбек Кўрагондек 
олим ва подшоҳ салтанат тахтида ўтирмаган. У отаси Шоҳруҳ баҳодир 
ҳукмронлиги даврида Самарканд ва Мовароуинаҳрни қирқ йил мустақил 
идора этди,
 
Улуғ ўзбек шоири Саккокий Улуғбекнинг замондоши эди. Шоир 
Саккокий Улуғбек хақида қуйидаги байтларни ифтихор билан битган:
 
Салотин дунёда куп келдию кетти, сенингдек бир — 
Фалакнинг гар тили бўлса ойитсунким қачон келди...
 
Фалак йиллар керак сайр этсаю келтурса илкига 
Менингдек шоири турку сенингдек шоҳи донони. 
 

---