9-Sinf jahon tarixi Tarix fani o’qituvchisi: 1-Mavzu

Darsning blok sxemasi:

№	Darsning qismlari	Belgilangan vaqt.
1.	Tashkiliy qism	3 daqiqa
2.	O`tilgan mavzuni takrorlash	12 daqiqa
3.	Yangi mavzu bayoni	14 daqiqa
4.	Mustahkamlash	12 daqiqa
5.	Baholash	2 daqiqa
6.	Uyga vazifa	2 daqiqa

I.Tashkiliy qism: Salomlashish,davomatnianiqlash,sinftozaliginikuzatish,diyorimizdavadunyodabo`layotganvoqealarbilano`quvchilarnitanishtirish.O`quvchilarguruhlargaajratiladi.

II.O`tilgan mavzuni takrorlash: O`tilgan mavzuni takrorlash uchun guruhlarga tarqatma savollar beriladi.

1-guruh: Fransiya-Prussiya urushining asosiy sabablari nimadan iborat?

2-guruh: Fransiya mag`lubyatining asosiy sabablari nimada?

3-guruh: Fransiyada uchinchi Respublika qachon e`lon qilindi?

Guruh a`zolari javob beradilar va to`g`ri javob bergan guruhlar rag`batlantiriladi.

III.Yangi mavzu bayoni: Reja:1.4-sentabr inqilobi. 2.1871-yil 18-mart voqealari.3.Kommunaning yengilishi. 4.Frankfurt sulh shartnomasi.

Urushdagi g'alaba Prussiyaga o'z qo'l ostida butun Germaniyani yagona davlatga birlashtirish imkonini berdi.1871-yil 18-yanvar kuni Fransiyaning Versal saroyida Germaniya — imperiya, Prussiya qiroli Vilgelm I esa Germaniya imperatori deb e'lon qilindi. Otto fon Bismark imperiya kansleri lavozimini egalladi. 1871-yil fevral oyida Fransiyada Milliy Majlisga shoshilinch saylov o'tkazildi va Tyer boshchiligida yangi hukumat tuzildi. 26- fevralda Fransiya-Germaniya tinchlik shartnomasi imzolandi. Prussiyaga qarshi urushdagi mag'lubiyat va ayanchli shartlar asosida vaqtincha imzolangan tinchlik shartnomasi parijliklarning hukumatga qarshi qahr-g'azabini kuchaytirib yubordi. Buning ustiga, Parijda muhtojlik, ishsizlik, oziq-ovqat mahsulotlari narxining keskin oshib ketishi yuz berdi.Hatto o'rta tabaqa vakillari ham xonavayron bo'la boshladi.

18-mart kuni kechasi hukumat qo'shini Milliy gvardiyaga hujum qildi.Bu hodisa Parij aholisini oyoqqa turg'azdi.Ular hukumat qo'shinini chekinishga majbur etdilar.Tyer hukumatni Versalga ko'chirish haqida ko'rsatma berdi.Bunga javoban Parij mehnatkashlari qo'zg'olon ko'tardilar.Ular Milliy gvardiya bilan birgalikda harakat qilib, shaharning muhim ahamiyatga ega bo'lgan joylarini qo'lga kiritdilar. Ko'p o'tmay hukumat binosi, harbiy kazarmalar va barcha davlat muassasalarini ham qo'zg'olonchilar qo'lga oldi. Parijda hokimiyat Milliy gvardiya Markaziy qo'mitasi qo'liga o'tdi.Bu qo'mita muvaqqat hukumat vazifasini bajardi. Davlat organlariga ishchilar, ziyolilar va qo'zg'olonning boshqa qatnashchilari vakillari boshchilik qila boshladi. 26-mart kuni Parij Kommunasiga saylov o'tkazildi va Kommuna Kengashi tuzildi. Bu kengash o'z a'zolaridan 10 ta komissiya (vazirlik) tashkil etdi.Shu tariqa Parij shahri o'ziga xos kichik bir davlatga aylandi.Bu davlat Parij mehnatkashlarining davlati edi.