9-синф инглиз тили дарсликларидаги матнлар орқали гапиришни ўргатиш Мавзунинг долзарблиги

Тадқиқот предмети ўрта умумтаълим мактабларининг 9-синф инглиз тили дарсларида инглизча матнлар асосида ўқувчиларга гапиришни ўргатиш орқали уларнинг оғзаки нутқини ривожлантиришдан иборат.
Тадқиқотнинг илмий фарази. Инглиз тили ўқитиш методикаси эришган ютуқларни инобатга олган ҳолда, ўрта умумтаълим мактабларининг 9-синфларида инглизча матнлар, ҳамда улардан олдин ва кейин бажариладиган машқлар орқалигина:
1. Инглиз тили дарсларида гапиришни ўргатишга эришилади.
2. Инглиз тилида бемалол мулоқот қила олиш имконияти юзага келади.
3. Мустақил фикрлаш ва ижодий изланиш имкониятлари яратилади.
4. Ўқувчилар оғзаки нутқида учрайдиган нуқсонларнинг олдини олиш ва натижада дастурий талабларни бажаришга эришилади.
Тадқиқотда кўзланган мақсадлардан келиб чиқиб ва қўйилган илмий фаразни текшириш учун қуйидаги вазифаларни ҳал этиш зарур:

1. 
   Инглиз тили дарсларида 9-синф ўқувчиларининг оғзаки нутқини ҳозирги ҳолатини аниқлаш.
   

2. Ўрта умумтаълим мактабларининг 9-синф ўқувчиларига инглиз тилида гапиришни ўргатишнинг инновацион методлари ва усуллари билан танишиш, яъни илмий методик адабиётларда уларнинг қай даражада ишлаб чиқилганлигини кузатиш, гапиришни ўргатиш нуқтаи назаридан жорий этилган дастурлар ва амалдаги дарсликларни методик жиҳатдан таҳлил қилиш.
3. Инглиз тили дарсларида 9-синф ўқувчиларининг оғзаки нутқини ривожлантириш, уларнинг мустақил изланишларини уюштириш, инглизча гапиришни ўргатишда ёрдам берадиган самарали усулларни ишлаб чиқиш, ўқувчиларнинг билим даражасини аниқлашда лозим бўладиган ўқув топшириқлар ва методик йўлланмалар тизимини яратиш.

4. 
   9-синфларнинг инглиз тили дарсларида гапиришни ўргатишга қаратилган инглизча матнлар, улар асосида бериладиган машқ ва топшириқлар ва махсус дарс ишланмаларини амалда, яъни тажрибада синаб кўриш, қўлга киритилган натижаларни таҳлил қилиш, худди шу мавзу юзасидан олинган ижобий хулоса ва натижаларга асосланиб, ўрта умумтаълим мактабларининг инглиз тили ўқитувчилари учун илмий методик тавсиялар бериш.