9-may tadbir senariysi 1-boshlovchi: Boshing egib ta`zim ayla shukrona ayt

9-may tadbir senariysi
1-boshlovchi: Boshing egib ta`zim ayla shukrona ayt
Seni guldek erkalagan chaman uchun
Osmonlarga yurgan bo`lsang tuproqqa qayt
Aytgil do`stim nima qildik Vatan uchun.
2-boshlovchi: Shu soylarda suvlarga urgil yuzingni sen
Bir bor nazar solgin bosgan izingga sen
Shu savolni berib ko`rgil o`zingga sen
Aytgil do`stim nima qildik Vatan uchun.
1-boshlovchi: Assalomu aleykum bizlarni ilm sarshasmasidan bahramand qilayotgan aziz ustozlar.
2-boshlovchi: Assalomu aleykum ilmga chanqoq,qalbi qaynoq tinib tinchimas yoshlar.
1-boshlovchi: Assalomu aleykum ushbu kechamizning asosiy mehmonlari bo`lmish hurmatli faxriylar.
2-boshlovchi: Allohning in`om etgan ajoyib go`zal kunida siz bilan diydor ko`rishganimizdan g`oyat mamnunmiz.Xush kelibsiz .................................
Ma`vzusidagi adabiy-badiy kechamizga.
1-boshlovchi: Xotira o`zlikni anglashga o`tmishni doimo yodda tutishga davat etib turadigan muqaddas tuyg`udir,u orqali inson o`ziga yaxshi hislatlarni qaror toptirib boradi.

2-boshlovchi: Muqaddas tushunchalarning barchasi xotira bilan tirik.Xotira nafaqat o`tmishni unutmaslik,bugungi kunni to`g`ri ta`savvur etish hamdir.

1-boshlovchi: O`zbekiston Respublikasining 1-Prezidenti Islom A.Karimovning farmayishiga binoan,Vatan ozodligi va mustaqilligi uchun jon fido etgan bobolarimiz xotirasini abadiylashtirib,bugun ham el-yurtimiz farovonligini yuksaltirishga,yoshlarni tarbiyalashga hissa qo`shayotgan faxriylarni hurmatini joyiga qo`yish madsadida 9-may
“Xotira va qadrlash kuni” keng nishonlanmoqda.
2-boshlovchi:O`zbekiston xalq shoiri Abdulla Oripov ustozlarni ulug`lab shunday deydi: Shoirga dedilar sen baxtli inson
Xalqingiz ardoqlar hamma taniydi
Shoir javob qildi menga bor armon
Muallim desalar meni qaniydi.
1-boshlovchi: Tabrik uchun so`z............
2-boshlovchi:Domla aytgan yaxshi tilaklaringiz o`zingizga ham hamroh bo`lsin,ishlaringizga omad tilayman.
1-boshlovchi: Ko`p millatli O`zbekiston xalqi butun insoniyat qatori 1941-1945 yillarda 2-jahon urishida faol ishtirok etib,fashizm ustidan qozonilgan Buyuk g`alabani ta`minlashga munosib hissa qo`shdi.
2-boshlovchi:41-yil iyun ayni sahar chog`ida
Tun uyqusi kezardi,o`lkani har yog`ida
Shunda fashit quzg`unlar,hujum boshladi birdan
Olov,Bomba yog`ildi,yurga ko`kdan va yerdan.
1-boshlovchi: Shunda bizning armiya turdi darhol oyoqqa
Vatan uchun olg`a deb tez yo`l oldi G`arb yoqqa
O`sha mash`um va iztirobli yillarda fashistlar tomonida boshlangan urush front oldi va orqasida o`z ta`sirini birday ko`rsatib borardi.
2-boshlovchi: Endigi navbat PMIK-18 gurux qizlari tomonidan tayyorlangan “Katyusha” raqsiga.
1-boshlovchi: Yurtim ado bo`lmas armonlaring bor
Toshlarni yig`latgan dostonlaring bor
O`tmishingni o`ylab og`riydi jonim
Ko`ksing to`la shaxid o`g`lonlaring bor.
2-boshlovchi:Bag`rim o`tar bir o`y bahor ayyomlar
Oy botgan yoqlarda termulib shomlar
Aybin bilmay ketgan Akmal Ikromlar
Fayzulladek mardu maydonlaring bor.
1-boshlovchi: Xotira insonni kelajakka ochiq ko`z bilan qarashga o`rgatadi.
2-boshlovchi:Qadrlash esa xonadonimizga fayzu-baraka bag`ishlab,qilayotgan ezgu ishlarimizga oq fotixa tilab turgan pir-u badavlat qariyalarimizning hurmatini joyiga qo’yishdir.
1-boshlovchi: Navbatni xotira haqidagi she’rlarga beramiz,marhamat.
1-boshlovchi:O’xshashi yo’q aslo mehri bir dunyo
O’xshasa o’ziga o’xshaydi o’zbek.

Farzandlariga-ku bildirmas ammo,

Dunyoda bolam deb yashaydi o’zbek.
2-boshlovchi:Bir qo’lda belanchak bir qo’lda qur’on,
Bir yelkada ketmon-u birida iymon.
Barchaga barobar bir oftobsimon
Yashasin olam deb yashaydi o`zbek.
1-boshlovchi:Darhaqiqat o`zbek millatidek mehnatsevar mehmondo`st, mehribon xalq bo`lmasa kerak.
2-boshlovchi:Milliy urf-odat va an`analarimiz har birimizning qon qonimizga singib ketgan.Saxnada milliy raqs “Doira raqsi” Marhamat.
1-boshlovchi:Sen yetim emassan,tinchlan,jigarim
Quyoshday mehribon vataning onang
Zamindan vazminu mehnatkash mushfiq
Istagan narsangni tayyorlaguvchi
Xalq bor otang bor
Cho`chima,jigarim,o`z uyingdasan
Bu yerda na g`urbat,na ofat,na g`am
Bunda bor xarorat,muxabbat,shavqat
Va mehnat nonini ko`ramiz baham
Sen yetim emassan,uxla jigarim.
2-boshlovchi: Urish olovi ichida qolgan hududlardan yurtimizga 1 million nafardan ortiq kishi ko`chirib keltirildi.Ulardan 200 ming nafari bolalar edi.Xalqimiz ularga boshpana berib,so`nggi burda nonini ham baham ko`rib,ota-onasidan ajralgan bolalarni o`z farzandlari qatori o`z tarbiyasiga olib,butun dunyoga haqiqiy insonparvarlik fazilatlarini nomoyish etdi.
1-boshlovchi:Urish hech bir xonadonni chetlab o`tmadi.Kimningdir sevikli yori,kimningdir otasi,kimningdir akasi,jondan aziz farzandi urish qurboni bo`ldi.
2-boshlovchi:Navbatni sahna ko`rinishga beramiz.Marhamat...
1-boshlovchi: Urishda qatnashgan 1.5 million dan ortiq O`zbekistonliklarning yarim millondan ortig`i halok bo`ldi.133 mingga yaqini bedarak yo`qoldi,60 mingdan ziyodi nogiron bo`lib qaytdi.
2-boshlovchi:Karonavirus pandemeyasi bo`lishiga qaramay 2020-yil g`alabaning 75 yilligi munosabati bilan poytaxtimizda “G`alaba bogi” tashkil qilindi.
1-boshlovchi:El-yurtimizning urish yillarida ko`rsatgan mardlik va qahromonligi biz uchun ulkan jasorat maktabi,g`urur va iftixor manbaidir.
2-boshlovchi:Endigi navbatni raqsga beramiz.
1-boshlovchi:Ushbu kun o`tganlarni yod etib,osmonimiz musoffoligi,xalqimiz tinchligi yo`lida jonlarini fido etgan ajdodlarimiz xotirasi oldida bosh egamiz.
2-boshlovchi:Yillar umrimizga qilarmi shavqat
Biror ish bormikin aylagali yor
Qayta tiklash mumkin barchasin faqat
Qayta tiklanmagay o`sha xotira.
Vedio qo`yiladi.....
1-boshlovchi:Shuning bilan bugungi tadbirimiz o`z nihoyasiga yetdi.E`tiboringiz uchun raxmat.
2-boshlovchi: Istardikki ,xotira va qadr tuyg`usi hech birimizdan yiroqlashmasin,hamisha qalbimizda aks sado berib tursin.