9-mavzu. Xalqaro nashrlar uchun ilmiy maqolalar tayyorlash va nashr ettirish Tayanch tushunchalar

Web of Science O‘zbekistonda
2017-yilning iyunidan respublikamizning barcha ilmiy va o‘quv muassasalari Web of Science (WOS) analitik tizimidan foydalanishlari mumkin. Hozirgi kunda O‘zbekiston Respublikasi hududida obuna asosida foydalanish mumkin bo‘lgan resurlar quyidagilardir:
Web of Science Core Sollection; KCI-Korean Journal Database; Russian Science Citation Index; SciELO Citation Index; Medline
Clarivate Analytics WOS kompaniyasini tanlashini quyidagicha asoslaydi:
Tizim Yudjin Garfild va uning izdoshlari tomonidan AQSH ilmiy axborot institutida o‘tgan asr o‘rtalarida ishlab chiqilgan ilmiy axborotni tahlil qilish va qayta ishlashning ilmiy asoslangan metodlariga tayanadi. Tahliliy tizim ilmiy nashrlarni tahlil etish va qayta ishlash bo‘yicha nashrlar, mualliflar, ilmiy yo‘nalishlar orasida o‘rnatilgan semantik aloqalar, kuchli vositalarga ega. WOS Core Indexes singari bunday vositalar o‘z sohalarida eng innovatsion va o‘ziga xos asarlarni yaratadigan obro‘li nashrlarni o‘z ichiga oladi. Iqtiboslik tarixi 115 yildan ortiq (1000 000000 dan ortiq maqola bibliografiyasi).
Masalan, Scopus da iqtiboslik tarixi – 1996-yildan (8 million yozuvlar 1970-1995 yillarga tegishli). WOS jurnal, kitob, ilmiy konferensiya to‘plamlarida chop etilgan har bir maqolani indekslaydi. Indekslarning yuqori texnologiyalari yordamida yuqori darajadagi iqtiboslik keltirilgan ishonchli havolalarni yaratish imkonini beradi. Tizim WOS ma’lumotlar bazasidagi har bir nashrlarga hamda WOS dan tashqaridagi materiallarni ham indekslaydi. Jurnallarning umumiy hajmi: 28 000, ulardan impakt-faktorga egalari 15000 ga yaqin, 3100 tasi ochiq foydalanishda. Resurslarni xolis obyektiv tahlil qilinib, nafaqat institutlar, mualliflar, balki mamlakatlar reytingi ham aniqlanadi. Web of Science fanga qo‘shilgan hissani obyektiv aniqlaydi. Nobel mukofotlari laureatlarini aniqlashda ekpertlar ko‘p hollarda WOS ma’lumotlar bazasi tahliliy ko‘rsatkichlariga tayanadilar.
O‘zbekiston ilmiy jurnallarini Web of Science Core Collection xalqaro ma’lumotlar bazasiga kiritishdan maqsad O‘zbekistonning ilmiy jurnallarini jahon davriy ilmiy nashrlari standartlari talablari asosida darajasini ko‘tarish, bu orqali, Web of Science Core Collection xalqaro ma’lumotlar bazasida jurnallar sonini ko‘paytirish hamda respublikada fanning rivojlanishiga ta’sir o‘tkazishdan iboratdir.
Web of Science Core Collection ma’lumotlar bazasiga O‘zbekiston jurnallarini kiritish, quyidagi imkoniyatlarni yaratadi:

1. 
   Jurnallar, maqolalar hamda ularning impakt faktorini oshirish;
   
2. 
   Jurnallarning ilmiy darajasini oshirish;
   
3. 
   Ilmiy maqola mualliflari, noshirlarning ijodiy ishlarini faollashtirish;
   
4. 
   Ilm bilan mashg‘ul yoshlar o‘rtasida xalqaro miqyosda ilmiy tadqiqotlar o‘tkazish istagini kuchaytirish
   
5. 
   Xalqaro loyihalarni amalga oshirishda yetakchi ilmiy maktablar, universitetlar va ilmiy markazlardan xorijiy hamkorlarni topish;
   
6. 
   Respublikadagi ilmiy tashkilotlarga ilmiy va loyihaviy-konstruktorlik loyihalariga investitsiyalar olish.