9-mavzu. Tadbirkorlik etikasi va madaniyaTI

Kengash va majlislarni olib borish madaniyati. Tadbirkor rahbar kengash va majlislarni olib borish madaniyatiga ham ega bo’lishi kerak. Kengash – bu jamoa fikri. Aql zakovatini muayyan masalani muhokama etish va oqilona qaror qabul qilish maqsadida uyushtirilgan majlisdir. Sohibqiron Amir Temur kengash to’g’risida shunday deydi: “Kengash ikki turli bo’lur. Biri – til uchida aytilgani, ikkinchisi – dildan chiqqani. Til uchida aytilganini (shunchaki) eshitardim. Dildan aytilgan maslahatni esa qalbim qulog’iga quyardim. Va dilimga joylardim. Agar (g’anim ustiga) lashkar tortmoqchi bo’lsam, urush-yarashdan o’rtaga so’z tashlab, amirlarim ko’ngillarining bu ikkovidan qay biriga moyilligini bilishga intilardim. Agar yarashdan so’z ochsalar. Buning foydasini urush ziyoniga solishtirib ko’rardim. Agar urushga moyil bo’lsalar, uning naf va foydasini yarash ziyoniga taqqoslab ko’rardim, qaysi biri foydaliroq bo’lsa, shuni ixtiyor qilardim”.²
O’z vazifasi va olib borilish shakliga qarab kengash turlicha bo’ladi. Kengash tip (xil)lari:
Vazifalari bo’yicha:

• 
  qaror qabul qilish;
  
• 
  fikr almashish;
  
• 
  axborotni tinglash;
  
• 
  dispetcherlik muhokama;
  

Olib borish shakli bo’yicha:

• 
  diktator (hukmdor)lik;
  
• 
  avtokrat, yakka hukmdor shaklida;
  
• 
  bahsli shaklda;
  
• 
  seregativ shaklda.
  

Kengashgacha:

• 
  majlis rejasini tuzib unga tayyorgarlik ko’ring;
  
• 
  majlisda ko’riladigan masalalar yuzasidan tayyorlangan materiallarni majlis qatnashuvchilariga oldindan jo’nating;
  
• 
  majlisga fikrlari o’ta muhim bo’lgan kishilarni taklif qiling;
  
• 
  majlisni zarurat tug’ilgan hollardagina chaqiring.
  

Kengash vaqtida:

• 
  kengashni belgilangan vaqtda boshlang;
  
• 
  kengashni o’tkazishning yagona tartibini belgilang;
  
• 
  ortqicha xuruj, shaxsiy qarshi chiqish holariga yo’l qo’ymang;
  
• 
  kengash maqsadini har bir qatnashuvchi e’tiboriga yetkazing.