9-мавзу: Намунавий ва базавий деталларни тиклаш усуллари. Режа

13 – расм. Тирсакли вал ариқчадаги абразив заррачаларнинг жойлашиш чемаси.




Уянинг ўқдорлиги ГОСНИТИ да ишлаб чиқарилган индикаторли мослама ёрдамида аниқланади. Уларни йўнишда РР – 4 русумли дастгоҳдан фойдаланилади. Тирсакли валдаги храповик ости резба таъмирлаш ўлчамига келтириб тикланади. Бошқа нуқсонлар (шпонка ариқчаси, моховик қотириладиган болт ости фланецнинг ейилган тешиги) таъмирлаш ўлчамларига келтириб тикланади. Подшипник вкладишлари пластмассали заррачаларни қуюнлатиб қоплаш усулида тикланади (совитиш воситаси сифатида керосин ишлатилади) (4 - расм).
14 – расм. Тирсакли вал вкладишларини қуюнлатувчи идишда тиклаш ускунаси /4/: 1 – детал (втулка, вкладиш); 2 – кукун; 3 – крюк; 4 – металл панжа; 5 – найча; 6 – қиздириш камераси; 7 – электр иситкичи (230...240^оС).
Корпусли базавий деталлар, рама ва кузовларни таъмирлаш.Корпусли деталлар одатда кулранг ва чўзилувчан чўяндан ва жуда кам ҳолатларда пўлат ва алюминий қоришмаларидан тайёрланади.
Корпусли деталларнинг асосий нуқсонлари – бу пайвандлаш сиртларининг тоб ташлаши (цилиндр блокларида ва блок каллагида), подшипниклар ўтқазиладиган тешик юзасининг ейилиши ва шикастланиши, ён ва қуйи деворларидаги тешиклар, ёриқлар ҳосил бўлиши ва бошқалар.
Узатма қутилари корпусида вал подшипниклари тешикларининг ўқдорлиги, тешик ўқлари орасидаги параллеллик ва ўқлар аро масофа бузилади. Корпусларнинг йўниладиган тешикларига халқалар прессланади, кейин эса уларнинг тешиклари номинал ўлчамларга мослаб йўналади.
Базавий деталларнинг ўтқазиш жойларини таъмирлашда 15 – расмда кўрсатилган усуллардан бирини ишлатиш мумкин.

15 – расм. Базавий деталларининг ўтқазиш жойларини тиклаш усуллари: а – вал ўлчамини катталаштириш ва тешик ўлчамини торайтириш ҳисобига тиклаш; б- вал ва тешик ўлчамларини катталаштириш ҳисобига тиклаш; в – вал ва тешик ўлчамларини торайтириш ҳисобига тиклаш.