9-мавзу: Ишлаб чиқариш режаси

9-мавзу: Ишлаб чиқариш режаси

Ишлаб чиқариш режаси бўлими қуйидаги тузилмага эга бўлиши мумкин¹:

• 
  ишлаб чиқариш технологияси;
  
• 
  ишлаб чиқариш кооперацияси;
  
• 
  ишлаб чиқариш жараёни назорати;
  
• 
  атроф муҳит муҳофазаси тизими;
  
• 
  ишлаб чиқариш дастури;
  
• 
  ишлаб чиқариш режасининг ишлаб чиқариш қувватлари билан асосланиши;
  
• 
  ишлаб чиқариш режасининг ресурслар билан таъминланганлиги.
  
• 
  харажатлар башорати.
  

Мавзуни ўқитишда «Блиц» ўйин методи
«Блиц» ўйин методи – таълим олувчиларни ҳаракат кема-кетлигини тўғри ташкил этишга, мантиқий фикрлашга, ўрганаётган предмети асосида кўп, хилма-хил маълумотлардан кераклигини танлаб олишни ўргатишга қаратилган методдир. Ушбу методни амалга ошириш тартиби кўйидагича: Ҳар бир таълим олувчига алоҳида-алоҳида тарқатма материаллар берилади, улар берилган материални ўрганиб чиқади. Материалдаги «якка баҳо» бўлимига берилган ҳаракатлардан қайси бири биринчи қайси бири эса иккинчи ва ҳакоза қилиб белгилаши керак. Вазифани бажариб бўлганларидан кейин таълим берувчи кичик гуруҳларни шакллантиради. Кичик гуруҳдаги таълим олувчилар ўзларининг «якка баҳо» бўлимида белгиланган ҳаракатлар кетма-кетлиги билан таништиради ва гуруҳ аъзолари ҳар хил бўлган кетма-кетликни бирлаштириб, бир-бирлари билан танишиб, бир-бирига таъсир ўтказиб, ўз фикрларига ишонтириб келишилган ҳолда бир муҳокамага келиб уларга тарқатилган қағоздаги «гуруҳ баҳоси» бўлимига рақамларни қўйиб чиқадилар. Гуруҳлар вазифаларни бажариб бўлганидан кейин таълим берувчи ҳаракатлар кетма-кетлиги бўйича туғри жавобни беради. Таълим олувчилар тарқатилган қоғоздаги «тўғри жавоб» бўлимига ёзадилар. Таълим олувчилар «тўғри жавоб» бўлимида берилган рақамларни яъни каттадан-кичикни айриган ҳолда «якка ҳато» бўлимига чиққан фарқларни ёзишни сўрайди.
«Якка баҳо» бўлимидаги сонларни юқоридан пастга қараб қўшиб чиқиб, умумийсини хисоблашлари керак.
Худди шу тариқада «тўғри жавоб» га «гуруҳ баҳоси» ўртасидаги фарқни каттадан-кичикни айриш орқали бажарилади, чиқарилган фарқлар сони «гуруҳ ҳатоси» бўлимига ёзилиб, юқоридан пастга қараб қушиб чиқиб, умумий сон келиб чиқади. Таълим берувчи якка ва гуруҳ хатоларининг умумий сони бўйича тушунча беради уларни алоҳида-алоҳида шарҳлаб беради.

Гуруҳ баҳоси	Гуруҳ ҳатоси	Туғри жавоб	Якка хато	Якка баҳо	Ҳаракатлар мазмуни
Умумий йиғинди

Бажарилган вазифаларни қўйидагича баҳолаш мумкин:

Таълим олувчиларнинг жавоблари таълим берувчи тамонидан берилган «тўғри жавоб»нинг яримидан кўпига туғри келган бўлса, демак «қониқарли», 75% туғри келган бўлса «яхши»,100% тўғри келган бўлса «аъло» деб белгилаш мумкин.

1^ Каранг, Бринк И.Ю., Савельева Н.А. Бизнес-план предприятия. Теория и практика / Серия «Учебники и учебные пособия» - Ростов н/Д. «Феникс», 2003. - 237 бет.