9-mavzu: asosiy vositalar va nomoddiy aktivlar hisobi. Reja: Asosiy vositalar hisobining ahamiyati va vazifalari

САВДО МАРКАСИ - компанияларни, ишлаб чиқарилаётган товарларни ёки хизматларни идентификация қилиш учун фойдаланиш ҳуқуқи билан рўйхатдан ўтган тимсол ёки ном. Товар маркаларини рўйхатдан ўтказиш эгалик қилишни асослаш учун амалга оширилади, рўйхатдан ўтгандан сўнг янгиланиши мумкин, бу эса уларнинг амал қилиш муддатини номуайян муддатга узайтиради. Ушбу ҳолда маҳсулотнинг номи, тимсоли ёки бошқа алоҳида жиҳатлари юридик ҳимояланади.

НОУ-ХАУ - "ишлаб чиқариш сирлари", техник, иқтисодий, маъмурий, молиявий ва бошқа хусусиятли маълумотларни ўз ичига оладиган бутунлай ёки қисман махфий билим, тажриба, малака. Ноу-хау лойиҳалаш, ҳисоб-китоб, қурилиш ва маҳсулот ишлаб чиқариш, илмий тадқиқотлар ва ишланмалар олиб бориш, материаллар, буюмлар таркиби ва андозаси ва бошқалар бўйича патент билан ҳимоя қилинмаган билимлар ва жараёнлар, амалий тажриба, усуллар ва малакалар, шунингдек дизайн, маркетинг, бошқарув, иқтисод, молия соҳаларидаги тажрибалар бўлиши мумкин. Ноу-хау корхона муассислари томонидан иштирокчилар ёки муасссислар келишуви билан белгиланган қиймат бўйича корхонанинг устав капиталига киритилиши мумкин. Ноу-хауни тижорат мақсадида бериш лицензия муносабатлари билан расмийлаштирилади.

ТОВАР БЕЛГИСИ - бир юридик ва жисмоний шахслар товарлари ва хизматларини бошқа юридик ва жисмоний шахсларнинг шу турдаги товарларидан фарқлаш учун хизмат қиладиган, белгиланган тартибда рўйхатдан ўтказилган белги.

Товар белгисига бўлган ҳуқуқ эгаси ўзига тегишли белгидан фойдаланишда ва уни тасарруф этишда мутлақ ҳуқуққа, шунингдек, товар белгисига ўзгартишлар ва қўшимчалар киритишдан иборат мутлақ ҳуқуққа эга.

Товар белгиси сифатида исталган рангда ёки ранглар уйғунлигида тасвирий, сўзли, ҳажмий ва бошқа белгилар ёки уларнинг жамламаси рўйхатдан ўтказилиши мумкин.

ДАСТУРИЙ ТАЪМИНОТ - электрон ҳисоблаш машиналари (ЭҲМ) учун дастурлар ва маълумотлар базалари. ЭҲМ учун яратилган дастур - муайян натижа олиш мақсадида ЭҲМ, ЭҲМ тармоқлари ва бошқа компьютер воситаларининг ишлаши учун мўлжалланган ва объектив шаклда ифодаланган маълумотлар ва кўрсатмалар мажмуи. Маълумотлар базаси - объектив шаклда ифодаланган ҳамда ЭҲМ ёрдамида топиш ва ишлов бериш мумкин бўладиган тарзда бир тизимга солинган маълумотлар мажмуи (масалан: мақолалар, ҳисоб-китоблар).