9-Laboratoriya ishi Mavzu

“Ipoteka bank” mobil ilovasi orqali 
“Onlayn mikroqarz” ajratish va so‘ndirish 
 
SHARTLARI 
1. «Onlayn mikroqarz» milliy valyutada, ochiq kredit liniyasiz, naqdsiz 
shaklda, mijozning kredit xisobraqamidan faqat uning Ipoteka-bank oylik maoshi 
plastik kartasiga o‘tkazib beriladi (agar oylik kartalaridan bir nechta bo‘lsa, unda 
«Onlayn mikroqarz» mijoz tanlagan kartalaridan biriga o‘tkaziladi); 
2. Ipoteka-bank «Onlayn mikroqarz»ni mijoz tomonidan oferta shartnomasi 
tasdiqlangan kunidan boshlab, keyingi ish kunidan kechikmasdan taqdim etadi; 
3. «Onlayn mikroqarz» summasi: Maksimal summa – kredit olish uchun 
buyurtmanoma berilgan murojaat kunida, bank plastik kartasiga o‘tkazilgan oxirgi 
6 oylik o‘rtacha oylik ish haqining 3 barobari miqdorigacha, 22 300 000 so‘mdan 
oshmasligi lozim. Minimal miqdori 200,0 ming so‘m. «Onlayn mikroqarz» muddati: 
minimal 3 oy, maksimal 12 oygacha; 
4. «Onlayn mikroqarz» yillik foiz stavkasi 23% tashkil qiladi. Muddati o‘tgan 
mikroqarz bo‘yicha qarz oluvchi baland foizlarda 34,5% miqdorida muddati 
o‘tkazib yuborilgan to‘lovni amalga oshiradi; 
5. Mikroqarzni so‘ndirish grafigi va foizlar xisoblanishi annuitet metodi 
bo‘yicha amalga oshiriladi;
6. «Onlayn mikroqarz» olish uchun, oylik plastik karta bankda 6 oydan kam 
bo‘lmagan vaqt davomida ishlagan va oxirgi 6 oyda ish xaqi o‘tkazilgan bo‘lishi 
kerak; 
7. Jami miqdori 22 300 000 so‘m doirasida, uch martagacha «Onlayn 
mikroqarz» berilishi mumkin; 

---

8. «Onlayn mikroqarz», kreditlarida muammolari mavjud bo‘lgan mijozlarga 
ajratilmaydi. Ohirgi bir yil davomida 30 kundan ortiq muddati o‘tgan qarzdorlikka 
yo‘l qo‘ygan mijozlarga «Onlayn mikroqarz» ajratilmaydi; 
9. Mijozning kredit bo‘yicha o‘rtacha bir oylik qarz yuki o‘rtacha bir oylik ish 
xaqiga nisbatan 50% dan oshgan hollarda «Onlayn mikroqarz» ajratilmaydi;
10. Foiz va asosiy qarzni so‘ndirish maxsus karta xisobraqamiga kelib 
tushayotgan pul mablag‘lari xisobidan yoki bank tomonidan mijozning roziligisiz, 
akseptsiz boshqa barcha bank plastik karta xisobvaraqlaridan mijoz tomonidan 
tasdiqlangan ofertaga muvofiq (SV Gate sistemasi orqali) yechib olinadi. 
Shuningdek, mijoz mikroqarz foizlari va asosiy qarzini muddatidan oldin va qisman 
so‘ndirish huquqiga ega;
11. Mikroqarz foizlari va ular bo‘yicha kelib chiqqan muddati o‘tib ketgan 
qarzdorlik hosil bo‘lganda, qarzdor bankka muddati o‘tgan to‘lovdan kunlik 0,1% 
foiz miqdorida, lekin 50% foizdan oshmagan miqdorda penya to‘laydi;
12. Mijoz mikroqarz xizmatidan to‘liq yoki qisman foydalanmaslik 
to‘g‘risidagi qarori bo‘yicha Bankni 3 (uch) bank ishi kunidan kam bo‘lmagan 
muddatda oldindan xabardor etishi lozim; 
13. Qarzdor mikroqarz shartlarini bajarganda va kredit muddati tugaganidan 
keyin «Onlayn mikroqarz» bilan bog‘liq barcha bank xisobraqamlari yopiladi; 
14. Foydalanuvchi skoring tizimidan ijobiy o‘tmaganda, «Onlayn mikroqarz» 
taqdim etmaslik huquqini bank o‘zida qoldiradi.