9-Laboratoriya ishi. Mavzu: Operatsion tizimda tashqi qurilmalarni boshqarish, print server xizmati Ishdan maqsad

9-Laboratoriya ishi.

Mavzu: Operatsion tizimda tashqi qurilmalarni boshqarish, print server xizmati

Ishdan maqsad: Linux operatsion tizimida tashqi qurilmalarni boshqarish va print server xizmatini o’rganish.
Nazariy ma’lumot.

Operatsion tizim jarayonlar, xotira, fayllarni boshqarishdan tashqari kompyuterga ulangan barcha kiritish/chiqarish (K/Ch) qurilmalarini boshqarishni ham ta’minlashi kerak. OT ning asosiy vazifalaridan biri dasturlar va kompyuter yordamchi (periferik) qurilmalari o‘rtasida ma’lumotlar almashinuvini ta’minlashdir. Aslida, ushbu vazifani bajarish uchun operatsion tizimlarning prototiplari bo‘lib xizmat qiladigan birinchi tizim dasturlari ishlab chiqilgan. Zamonaviy OT larda yordamchi qurilmalar bilan ma’lumot almashish funksiyalari kiritish/chiqarish quyi tizimi tomonidan amalga oshiriladi. Ushbu quyi tizimning mijozlari nafaqat foydalanuvchilar va ilovalar, balki tizim ma’lumotlarini olishlari yoki ularni namoyish qilishlari kerak bo‘lgan OT ning ba’zi komponentlari, masalan, jarayonni boshqarish quyi tizimi, faol jarayonni o‘zgartirganda, to‘xtatilgan jarayonning kontekstini diskka yozishi va diskdan ishga tushurilgan jarayonning kontekstini o‘qishi kerak. Kiritish/chiqarish qurilmalarining asosiy komponentlari tashqi qurilmalarni va fayl tizimini boshqaradigan drayverlardir.