9-Контактсиз аппаратлар

9.3. Ярим ўтказгичли контактсиз аппаратлар
Ярим ўтказгичли релелар ярим ўтказгичли кучайтиргичлар базасида яратилган бўлиб, кириш ва чиқиш орасида кучли тескари алоқали режимда ишлайди.
9.5 – расмда мусбат тескари алоқали икки каскадли транзисторли кучайтиргичнинг схемаси кўрсатилган бўлиб, унинг иш режими реле характеристикасига мос келади.



9.5-расм. Мусбат тескари алоқали транзисторли кучайтиргич

Бу схема VT1 ва VT2 транзисторлар базасида умумий эмиттерли схемада йиғилган иккита кетма-кет уланган бир каскадли транзисторли кучайтиргичлардан иборат. Тескари алоқа токининг йўли узуқ-узуқ чизиқлар билан кўрсатилган.

База токи қўйидагича аниқланади
(9.5)
Мусбат сигнал токи транзистор VT1 ни ёпади, тескари алоқа токи эса бу транзисторни очишга ҳаракат қилади.
Релели иш режимини олиш учун тескари алоқа қаршилиги критик қиймати дан кичик бўлиши керак, яъни
, (9.6)
бу ерда ; - VT1 ва VT2 транзисторларнинг токи бўйича кучайтириш коэффициенти; - VT1 транзисторнинг “эмиттер-база” қаршилиги.
Тиристорларнинг ривожланиши контактсиз коммутацияловчи аппаратларни яратиш имконини берди.
Ярим ўтказгичли коммутацияловчи аппаратларда контакт вазифасини тиристорлар бажаради.
Коммутацияловчи аппаратларнинг техник-иқтисод кўрсаткичларини яхшилашда ҳозирги вақтда гибридли аппаратлар ишлаб чиқарилмоқда. Гибридли аппаратлар ярим ўтказгичли ва контактли аппаратларнинг ижобий хусусиятларини ўзида мужассамлаштирган.
9.6-расмда гибридли коммутацияловчи аппарат бита қутбининг схемаси кўрсатилган.

9.6-расм. Гибридли коммутацияловчи аппарат қутбининг схемаси

Аппаратнинг К контакти VT1 ва VT2 тиристорлар билан параллел уланган. Куч занжирида токнинг пайдо бўлиши билан ток трансформаторлари ТА1 ва ТА2 нинг берк иккиламчи занжирида ҳосил бўлган кучланиш ёрдамида VT1 ва VT2 тиристорлар бошқарилади. VD1 ва VD2 диодлар биринчи тиристорни токнинг мусбат ярим тўлқинида очиш, бошқасини эса манфий ярим тўлқинда очишни таъминлаб беради.

К контактни узганда, масалан VT1 тиристор очилган, ток К контакт шахобчасидан VT1 тиристорнинг шахобчасига ўтади. Шу тариқа К контактдаги юклама камаяди. Ток нолдан ўтганда тиристор ёпилади ва занжир узилади. VT2 тиристор очилмайди, чунки кўрилаётган ярим даврда тиристорни очишга сигнал келмайди. Токнинг катта ўзгариши дан тиристорни ҳимоялаш учун, тиристорга кетма-кет қилиб дроссел L уланади. Шу тариқа контакт К ни узганда, ҳосил бўлувчи ёй тиристор томонидан ушлаб қолинади, бу эса коммутацияли ейилишни камайтириш имконини беради.
Ярим ўтказгичли блоклар БПК-21, МК-2, БПК-11, КТ6051БС дан иборат бўлган гибридли контакторларнинг КТ64; КТП64; КТ65; КТП65 типлари ишлаб чиқарилган.