9-amaliy mashg’ulot Mavzu: Aniqlovchi va uning ifodalanishi. Sifatlovchi, qaratuvchi, izohlovchilar aniqlovchining turlari ekanligi. Darsning maqsadi

9-amaliy mashg’ulot
Mavzu: Aniqlovchi va uning ifodalanishi. Sifatlovchi, qaratuvchi, izohlovchilar aniqlovchining turlari ekanligi.
Darsning maqsadi: Talabalarga gap bo’laklari, aniqlovchining turlari: sifatlovchi, qaratqich, izohlovchi haqida bilim berish.
Vazifalar:
1. Gap bo’laklarini o’rganish
2. Ikkinchi darajali bo’laklarni tahlil qilish malakasini hosil qilish
3. Aniqlovchi va uning turlari haqida tushuncha hosil qilish
Amaliy mashg’ulot jarayonining mazmuni: Gap bo’laklari haqida ma’lumot. Ikkinchi darajali bo’laklar, aniqlovchi va uning turlarini o’rganish.
Amaliy ish jihozlari: ma’ruza va amaliy mashg’ulotlar konspektlari. Ona tili va bolalar adabiyoti fanidan darslik, mavzuga oid ko’rgazmali vositalar va o’quv qo’llanmalari texnik vositalar (kompyuter, proyektor).
Amaliy mashg’uloti jarayonining amalga oshirish texnologiyasi;
Metod: Ko’rgazmali suhbat
Vosita: Ma’ruzalar matni, proyektor, tarqatma materiallar.
Usul: bliss-so’rov, bayon qilish, klaster, guruh va juftlikda ishlash.
Nazorat: Savol javob, test.
Amaliy mashg’ulotlarning borishi:
Reja:
1.Aniqlovchi va uning ifodalanishi
2.Sifatlovchi va qaratqich aniqlovchi
3.Izohlovchi aniqlovchi
Darsning borishi:

1. 
   tashkiliy qism: (salomlashish, davomatni aniqlash;
   
2. 
   ma’maviy daqiqa: kun yangiligi
   
3. 
   o’tilgan mavzuni takrorlash
   
4. 
   mavzu bayoni:
   

1-mashq. Gaplarni ko‘chiring. Gap bo’laklarini tahlil qiling, qanday bo‘lakka tobelanayotganini aniqlang.
1.Hunari va odobi bo‘lmagan kishidan baxt va davlat ketadi. 2. Hunar bilan davlat birikishi barcha nodir narsalardan ham qimmatliroqdir. 3. Kasb ayla nishot mehnat oyinlik aro, kim ishrat umidi keldi g‘amginlik aro. 4. Tikansiz gul, sadafsiz dur, mashaqqatsiz hunar bo‘lmas. 5. Kissayi purzar emish elga hunar, behunar elni derlar rishi xar. 6. Qaysi ilm va hunar kishining aqliga, ruhiga tarbiya berar ekan, unday ilm va hunar o‘z egasini har doim qo‘llab-quvvatlaydi.
2-topshiriq. Gaplarni ko’chiring aniqlovchilarni topib aniqlang. Sifatlovchi va qaratqich aniqlovchilarni ajrating.
1.Choy ustida shiringina oilaviy suhbat boshlanib ketdi. 2. Ming bir xil davo bor totli asalda. 3. Chang-to’zon bilan qoplangan osmonda mayda-mayda yulduzlar g’ira-shira miltirardi. 4. Boychechaklarning xushboy, sezilar-sezilmas hidi nayning yoqimli ovozi bilan qo’shilib ketdi. 5. Bir qarashdayoq uning zehnli, o’qimishli ekanligini bilib oldim. 6.Nodonlardek otangning kimligini pesh qilma, o‘zingga sen hunardin o‘zgani ota bilma. 7. Kamol ahli aro, albatta, topg‘ay izzati oliy, har qaysi kasbida har kimsakim qildi hunar ixlos. 8. Har bir hunarg‘a bordur mushkul base mashaqqat, beranj muft davlat bor elga nogahonda. 9. Agar yerga topshirsang bir arpa dona, o‘rim vaqti berar biri yuz dona. 10. Rayimbek dodxoh qilich yalanglab, sipohlar oldida olomong‘a qarab yugurdi.
Mavzuni mustahkamlash: tezkor savol javob.
Uyga vazifa: kichik matn tuzing. Gap bo’laklarini aniqlab ularni tahlil qiling.