8-umumiy oʻrta ta’lim maktabida 2020-2021 oʻquv yilining 1-yarim yilligida ma’naviy-ma’rifiy yoʻnalishda amalga oshirilgan ishlar

3-dekabr kuni “5 tashabbus – 5 imkoniyat” shiori ostida koʻrgazmali dasturlar tashkil etildi.

1-tashabbus: Yoshlarning musiqa, rassomlik, adabiyot, teatr va san’atning boshqa turlariga qiziqishlarini oshirish, iste’dodini yuzaga chiqarish boʻyicha quyidagilar amalga oshirildi:

Yoshlarning musiqa, rassomlik, adabiyot, teatr va san’atning boshqa turlariga qiziqishlarini oshirish, iste’dodini yuzaga chiqarish maqsadida koʻrgazma tashkil qilindi. Koʻrgazmada oʻquvchilar tomonidan chizilgan rasmlar, musiqa asboblari, tarix fani oʻqituvchisi N.Raimova tomonidan tashkil etilgan muzey eksponatlari, 1-tashabbus boʻyicha oʻquvchilar tomonidan qoʻlga kiritilgan diplom va sertifikatlar joylandi. Oʻquvchilar tomonidan koʻrgazma tomosha qilidi, shu orqali san’atga qiziqishlari yanada oshirildi.

5-sinf oʻquvchisi Gʻaybullayev Bunyodbek doirada musiqa chalib, koʻrgazma ishtirokchilariga xursandchilik ulashdi.

Shuningdek, oʻquvchilar oʻzlarining qiziqtirgan savollariga javob olishdi.

2-tashabbus: yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur shart-sharoitlar yaratish boʻyicha quyidagilar amalga oshirildi:

Oʻquvchilarining boʻsh vaqtini mazmunli oʻtkazishini ta’minlashga, jismoniy tarbiya va sportni rivojlantirish, oʻquvchilar oʻrtasida doʻstona aloqalarni yanada kuchaytirish, oʻquvchilarda jismoniy tarbiya va sportga boʻlgan havas va intilishini hamda jamiyatimizda sogʻlom turmush tarzi tamoyillarini kuchaytirish, milliy gʻurur va iftixor tuygʻusini yanada oshirish maqsadida sport jihozlari hamda maktab jamoasi va oʻquvchilar tomonidan sport musobaqalarida qoʻlga kiritilgan yutuqlar, diplomalar, sertifikatlar, medallar, kuboklar koʻrgazmasi tashkil qilindi.

Shuningdek, koʻrgazma doirasida shaxmat musobaqasi tashkil qilindi.

Musobaqa qizgʻin bahslarga boy boʻldi va yakunda quyidagi ishtirokchilar gʻolib topildi:

1-oʻrin 5-sinf oʻquvchisi Muhiddinov Abdulatif

2-oʻrin 5-sinf oʻquvchisi Umurzoqova Muborak

3-oʻrin 7-“B”sinf oʻquvchisi Abduraimova Umida

3-tashabbus: aholi va yoshlar oʻrtasida kompyuter texnologiyalari va internetdan samarali foydalanishni tashkil etish boʻyicha quyidagilar amalga oshirildi:

Aholi va yoshlar oʻrtasida kompyuter texnologiyalari va internetdan samarali foydalanishlarini tashkil etish, oʻquvchi-yoshlarga kompyuter texnologiyalari, dasturlash asoslarini oʻrgatish boʻyicha tashkil etilgan darsdan tashqari turli toʻgaraklar faoliyatini yanada kuchaytirish maqsadida kompyuter texnologiyalari koʻrgazmasi tashkil qilindi. Oʻquvchilar koʻrgazmadan joy olgan kompyuter texnikalari va ularni ishlashi haqida ma’lumotlarga ega boʻldilar.

Shuningdek, ma’naviy-ma’rifiy ishlar boʻyicha direktor oʻrinbosari B.Babanov tomonidan yuqori sinf oʻquvchilariga internetdan samarali foydalanish, internetdan ma’lumotlarni qidirib topish boʻyicha mashgʻulot tashkil qilindi. Mashgʻulotda 10 nafar oʻquvchi ishtirok etdi.

4-tashabbus: yoshlar ma’naviyatini yuksaltirish, ular oʻrtasida kitobxonlikni keng targʻib qilish boʻyicha tizimli ishlarni tashkil etish boʻyicha quyidagilar amalga oshirildi:

Oʻquvchi-yoshlarning madaniy saviyasini yuksaltirish, ularni milliy va umumbashariy madaniyatining eng yaxshi namunalaridan bahramand etish, kitobxonlik va kitob targʻibotini kuchaytirish boʻyicha tashkil etilgan darsdan tashqari turli toʻgaraklar va klublar faoliyatini yanada kuchaytirish maqsadida kitoblar koʻrgazmasi tashkil etildi. Tashkil qilingan kitoblar koʻrgazmasidan maktab kutubxonasi fondidagi noyob kitoblar joy oldi. Koʻrgazmada 8-sinf oʻquvchisi Joʻraboyeva Ifora oʻzi tomonidan mutolaa qilingan kitoblar, shuningdek, kitob oʻqishning foydasi haqida tengdoshlariga fikrlarini oʻrtoqlashdi.

Koʻrgazmadagi kitoblar bilan tanishish orqali oʻquvchilarning kitobxonlikka qiziqishlari yanada ortdi.


5-tashabbus: xotin-qizlarni ish bilan ta’minlash, qizlarni ijtimoiy faol hayotga jalb etish boʻyicha quyidagilar amalga oshirildi:

Qizlarni ijtimoiy faol hayotga jalb etish boʻyicha tashkil etilgan darsdan tashqari turli toʻgaraklar va klublar faoliyatini yanada kuchaytirish maqsadida “Barkamol avlod” bolalar markazi qoshida tashkil qilingan “Bichish-tikish” toʻgaragi koʻrgazmas tashkil etildi. Koʻrgazma davomida toʻgarak rahbari Nazarova Dilrabo tomonidan tashkil qilinayotgan mashgʻulotlar hamda qizlarning erishayotgan natijalari haqida gapirib berdi. Oʻquvchi-qizlar oʻzlari tayyorlagan buyumlarini namoyish qildilar. Shuningdek, oʻrganganlarini amaliy koʻrsatib berdilar. Taqdimot yakunida qizlar maktabda mana shunday toʻgarak ochilganidan xursand ekanliklarini aytib oʻtdilar.