8 tajriba mashg‘uloti konservalangan go’sht mahsulotlarining sifat ko’rsatkichlarini aniqlash ishning maqsadi

8 - tajriba mashg‘uloti
KONSERVALANGAN GO’SHT MAHSULOTLARINING SIFAT KO’RSATKICHLARINI ANIQLASH
Ishning maqsadi: Go’sht konservalari tarkibida simob borligini aniqlash.

Reaktiv va jihozlar: etil spirt, distillangan suv, nitrat kislota, (H₂SO₄ ) sulfat kislota, suv hommomi, yod.

Ishning bajarilishi: Analiz olish tartibi SanPiN standartiga muvofiq olinadi. Ya’ni yuqorida aytib o’tilgandek idishga aralashtirib olingan go’sht konservasini sterillangan bankalarga solib raqamlab qo’yiladi. Simob moddasini aniqlash uchun 40gr namunadan kolba idishiga olinadi.

Simob aniqlashga olingan namuna ya’ni kolbaga solingan namunaga 1 ml etil spirt quyiladi. Yana uni ustiga 15 ml distillangan suv solib keyin 15ml nitrat kislota sоlinib, 20 minut saqlanadi. So’ngra uning ustiga (H₂SO₄ ) Sulfat kislotadan 20 ml solinadi. Solingandan so’ng kislotalar reaksiyaga kirishib qizil badbo’y tutun chiqib reaksiya bilqillab ketadi. Chunki 2 xil kislota reaksiyaga kirishib konserva go’shtini maydalab parchalab suyuqlikga aylantirib berdi. Ma’lum vaqt o’tgandan keyin reaksiya tugab suyuq holga to’liq o’tgandan keyin, suv hommomiga 40 minutga qo’yildi. Suv hommomidan keyin uni olib ustiga 20 ml machivina eritmasi solib aloxida kolbalarga filtr qog’ozini 2 qavat qilib qo’yib o’kazib olinadi. Sovigandan keyin yodid solinadi va reaksiya cho’kmaga tushadi. Cho’kmada yoki suvida pushti rang bo’lsa, demak, tarkibida simob bor bo’ladi.

Nazorat savollari
1. Tibbiy-toksikologik ko’rsatkichlar deganda nimani tushunasiz?

2. Berilgan namunadan simob moddasini qanaqa qilib aniqlash mumkin?

3.Yod eritmasi nima uchun qo’shiladi?