8-sinfda Alisher Navoiyning «Kelmadi» radifli g‘azalini o‘ganish. Umumiy o‘rta ta’lim maktablarining 8-sinf «Adabiyot»

«Tilshunos» guruhi: Qofiya so‘zi: qayg‘u (o‘zbekcha). Zid ma’noli so‘zlar: xurram - qayg‘u. Boda - (forscha) mast qiluvchi ichimlik, she’riyatda ishq timsoli. Hurram - (forscha) shod, xursand.
O‘quvchilar g‘azal ustida ishni yakunlashgach, har bir bayt yuksak san’atkorlik bilan naqshlangan go‘zal, betakror binoga o‘xshashini, g‘azalda badiiy jihatdan shunday qat’iy bir qoidaga amal qilinib, har bir baytda kamida bir tazod san’ati namunasiga duch kelinishi ma’lum qilinadi.
Badiiy san’atlar g‘azalda asosiy ifoda va tasvir vositasiga aylangan. Alisher Navoiy ushbu g‘azali bilan yakpora g‘azalning yuksak namunasini yaratgan.
Ushbu mavzudan olingan bilimlarni sinovdan o‘tkazish va mustahkamlash maqsadida xotira mashqi o‘tkaziladi.
Xotira mashqi uchun maxsus ko‘rgazmali qurollar avvaldan tayyorlangan bo‘ladi. Kartochkalarga yangi mavzu yuzasidan beshtadan javob (1. «G‘azal» so‘zining lug‘aviy ma’nosi arabcha oshiqona so‘z, ayolga xushomad. 2. Matla’ - g‘azalning birinchi bayti.
3. Maqta’ - g‘azalning oxirgi bayti.
4. Timsol - asli, surat, rasm ma’nolarini anglatadi.
5. Mumtoz she’riyatda may, sharob, boda, chog‘ir so‘zlari ishq timsoli
sifatida qo‘llaniladi.) va Alisher Navoiy asarlari ro‘yxati (1. «Badoe ul-bidoya» («Badiiylik ibtiaosi») devoni. 2. «Navodir un-nihoya» («Nihoyasiz nodirliklar») devoni. 3. «Vaqfiya» nasriy asari. 4. «Holoti Sayyid Hasan Ardasher» nasriy asari. 5. «Holoti Pahlavon Muhammad» nasriy asari) yozilgan bo‘ladi. Ushbu ko‘rgazmani guruhlarga bir necha soniya ko‘rsatib, o‘girib qo‘yiladi. Shu javoblarning savoli beriladi va o‘quvchilardan og‘zaki javoblar olinadi. Bu o‘yinni muntazam ravishda takrorlab borish o‘quvchilarning xotirasini kuchaytiradi, nazarini ziyraklashtiradi.
O‘quvchilarni baholash 1,2,3,4,5 raqamlari yozilgan kartochkalar va guruhning tartib-intizomi, muomala madaniyati, so‘zlashuv odobini belgilash uchun tayyorlangan sariq rangli - rag‘bat, qizil rangli - jarima kartochkalari orqali amalga oshiriladi. Guruhlarning jami ballari hisobchilar tomonidan jamlanadi va har bir rag‘bat uchun 1 ball qo‘shildi, har bir jarima uchun 1 ball ayrib tashlandi. G‘olib guruh va eng faol o‘quvchilar baholandi.
Uyga vazifa sifatida Alisher Navoiyning «Kelmadi...) radifli g‘azalini yod olish topshiriladi.