8-Mustaqil ishlash uchun savol va topshiriqlarga javoblar Ong, uning mohiyati va jihatlari haqida so’zlab bering

3. Ongning kelib chiqishi va rivojlanishi haqidagi
qarashlar to’g’risida so’zlab bering.

- Tirik tabiatning tarixiy taraqqiyoti natijasida sezgilar vujudga keldi, ammo o'simliklarda sezgi yo'qligi ma’lum. Hayvonot dunyosida ta’sirlanuvchanlik xossasi taraqqiyotining muayyan bosqichida sezgilarning kelib chiqishiga olib keldi. Dastlabki eng oddiy sezgilarning maydonga kelishi tirik tabiat taraqqiyotidagi yangi davr bo’ladi. Hayvonlarning sezgilari ham, odamning sezgilariga ham tabiatda mavjud bo’lgan narsa va hodisalarning in’ikosidir. Ammo, odamning sezgi a’zolari aks ettira oladigan hamma narsani hayvonlarning sezgi a’zolari aks ettirishga qodir emas. Fan odam bilan hayvonot dunyosi o'rtasida biologik-fiziologik ma’noda o‘tib bo’lmaydigan chegara yo'qligini isbotladi. Eng yuksak darajada tuzilgan mavjudot - odam jonli tabiat taraqqiyotning eng yuksak mahsuli hisoblanadi. Odamning kelib chiqishi haqida Markaziy Osiyo mutafakkirlarining qarashlari alohida e’tiborga sazovordir. Ibn Sino fakriga ko'ra, inoson boshqa barcha hayvonot olamidan nutqi va aqli, tafakkurlash qobiliyati bilan farq qiladi. Forobiy esa, «Til va tushuncha sohibi bo'lgan tirik zotdan ortiqroq mukammal bo'lgan biror zot yo'qdir», degan. Yuksak darajadagi ong odamlarga xos xususiyatdir. Ong voqelikning ham ratsional, ham hissiy in’ikosini qamrab oladi. Shuningdek, u inson hissiyotlari, irodasini ham o'z ichiga oladi.