3. Мустақиллик йилларида соғлиқни сақлаш тизими ва унинг ривожланиши.
Ўзбекистон мустақилликни қўлга киритиши билан мамлакат соғлиқни сақлаш инфратузилмасини ривожланган давлатлар даражасига олиб чиқиш, аҳоли соғлиғини ҳимоя қилиш тизимидаги камчилик ва нуқсонларни бартараф этиш вазифаси юзага келди. Ўзбекистонда асосий ислоҳотлар 1990 йил ўрталарида бошланди. 1996 йилнинг 29 августида “Фуқаролар соғлиғини сақлаш тўғрисида»ги Қонун кучга кирди, ушбу Қонунда давлат сиёсатининг соғлиқни сақлаш тизимига янгича ёндашуви ифодаланган эди. Соғлом авлодни тарбиялаш мамлатимизда амалга оширилаётган ижтимоий сиёсатнинг муҳим йўналишларидан бири ҳисобланади. Мустақилликнинг ўтган йиллари давомида болалар спорти миллат генофондини соғломлаштиришнинг муҳим омили бўлиб хизмат қилди. Ислоҳотларнинг биринчи босқичида “Соғлом она – соғлом бола” давлат дастурининг амалга оширилишига алоҳида аҳамият берилди. Ижобий натижаларни болаларнинг халқаро антропометрик (бўйи, вазни) стандартлари кўрсаткичлари бўйича ҳам кўришимиз мумкин. Мустақиллик йилларида болаларга мўлжалланган спорт иншоотларининг сони 1 825тадан 5 980 тага етди ёки 3,3 баробар ошди, спорт билан шуғулланувчи болалар сони 7,4 фоиздан 34,3 фоизга кўтарилди. 2010 йилга келиб, мутлақ соғлом болалар сони кўрсаткичи 62,6 фоиз га етди.
2017 йилдан бошлиб бирламчи тиббий санитария хизмати учун ислоҳотлар янги босқичга кўтарилди. Ўзбекистон Президентининг бирламчи тиббий-санитария ёрдами муассасалари фаолиятини такомиллаштиришга оид қарори ижроси доирасида қишлоқ врачлик пунктлари негизида оилавий поликлиникалар, тез тиббий ёрдам шохобчалари ташкил этилиб, уларда тор соҳа мутахассислари фаолияти йўлга қўйилди. Ўзбекистон Президентининг “Ўзбекистон Республикасида бирламчи тиббий-санитария ёрдами муассасалари фаолиятини ташкил этишни янада такомиллаштириш чора-тадбирлари тўғрисида” 2017 йилнинг 29 мартида қабул қилинган қарори ижроси доирасида қишлоқ врачлик пунктлари негизида 800 га яқин оилавий поликлиникалар, 1000 дан зиёд тез тиббий ёрдам шохобчалари ташкил этилди. Президент Шавкат Мирзиёевнинг 2017 йил 25 декабрда қабул қилинган “2018-2022 йиллар даврида болаларда туғма ва ирсий касалликларни барвақт аниқлаш Давлат дастури тўғрисида” ги қарори ҳам кейинги беш йилда ирсий касалликларни барвақт аниқлаш, диагностика ва даволаш тадбирлари самарадорлигини ошириш, миллат генофондини яхшилаш бўйича дастуриламал ҳужжат бўлди.
2018 йилдан бошлаб Бу борада масофадан туриб профилактика қилишни таъминлайдиган “Ақлли тиббиёт” ва “Ягона тиббий ахборот маркази” концепцияларини ўз шароитимизга мослаштириб татбиқ этила бошлади. Бунинг учун 1046 та қишлоқ оилавий поликлиникалари ва қишлоқ врачлик пунктларининг моддий-техника базасини босқичма-босқич ривожлантириш бўйича 2018-2021 йиллар учун дастур шакллантирилди. Унга кўра: 2018 йилда 146 та муассаса учун 112,7 млрд. сўм; 2019 йилда 243 та муассаса учун 181,4 млрд. сўм; 2020 йилда 315 та муассаса учун 242,0 млрд. сўм; 2021 йилда 338 та муассаса учун 269,0 млрд. Сўм жами 805,1 млрд. сўм маблағ ажратиш кўзда тутилди.
Do'stlaringiz bilan baham: |