8-мавзу. Тайёр маҳсулот (товар, иш, хизмат)лар ва уларнинг сотилишини ҳисобга олиш

Ўқитиш воситалари: видеопроектор, электрон доска, ёзув доскаси.

Ўқитиш усуллари: Тушунтириш, ақлий ҳужум.

Ўқитиш шакллари: Коллектив иш

Ўқитиш шароити: Техник воситалар билан таъминланган аудитория.

Мониторинг ва баҳолаш: Оғзаки, тест савол-жавоблари.

1. 
   

1.ТАЙЁР МАҲСУЛОТ ВА ТОВАРЛАР БЎЙИЧА КОНСИГНАЦИЯ ОПЕРАЦИЯЛАРИ ҲИСОБИНИНГ ВАЗИФАЛАРИ

Корхоналар ўзларининг маҳсулот ва товарларини консигнация шартномалари асосида сотишлари мумкин. Бундай шартнома иштирок этувчи субъектлар консигнант ва консигнаторлар деб аталади.

Консигнант - консигнаторга товарлар реализациясини ташкил этиш топшириғини берадиган ва ушбу товарлар сотилгунга қадар уларга эгалик ҳуқуқини сақлаб қоладиган юридик шахс.
Консигнатор - консигнант номидан ҳақ эвазига товарларни реализация қилиш мажбуриятини оладиган юридик шахс.
Тайёр маҳсулот ва товарлар консигнацияси бўйича бухгалтерия ҳисобининг асосий вазифалари бўлиб қуйидагилар ҳисобланади:

• 
  Тайёр маҳсулот ва товарлар консигнация шартномалари асосида сотиш турларини улар моҳиятини очиб берувчи мезонларига мос равишда ҳисобга олиш;
  
• 
  Консигнацион маҳсулот ва товарлар кирими ва чиқими ўз вақтида тегишли бошланғич хужжатлар билан расмийлаштириш;
  
• 
  Консигнацион маҳсулот ва товарлар кирими ва чиқими ўз вақтида тегишли ҳисоб регистрларида акс эттириш;
  
• 
  Маҳсулот ва товарларни консигнация асосида сотишдан олинган даромадларни тўғри тан олиш, уларни ҳисобда тўғри акс эттириш
  
• 
  Маҳсулот ва товарлар бўйича консигнацион операцияларга оид ҳисоб-китобларни тўғри ҳисобга олиш ва бошқалар.