8-мавзу конституциявий қадриятлар ва уларни таъминлаш муаммолари мавзунинг асосий масалалари

Умумбашарий қадриятлар ва стандартларни Ўзбекистоннинг Конституцияси ва қонунчилигига татбиқ этиш

Ўзбекистон Республикасининг Конституцияси миллий ва умумбашарий қадриятларни ўзида акс эттиради. Жумладан, Конституцияда Инсон ҳуқуқлари умумжаҳон Декларациясидаги деярли барча нормалар акс этган. Шунингдек, Фуқаролик ва сиёсий ҳуқуқлар тўғрисидаги, Ижтимоий, иқтисодий ва маданий ҳуқуқлар тўғрисидаги халқаро пактлар рацификация қилиниб, уларнинг имплементацияси борасида улкан ишлар амалга оширилган.

Бироқ, умумбашарий қадриятлар фақатгина юқоридаги халқаро ҳужжаларда акс этиш билан чегараланиб қолмаган деб айтиш мумкин. Бирлашган Миллатлар Ташкилоти томонидан эълон қилинган 2000-2015 йиллар учун мўлжалланган БМТнинг Мингйиллик ривожланиш дастури ҳамда 2030 йилгача бўлган даврга мўлжалланган Барқарор ривожланиш дастурида назарда тутилган қадриятларни рўёбга чиқариш ўрни келганда уларни миллий қонунчиликка татбиқ этишни талаб этади. Бу масалада тегишли илий тадқиқот ишларини олиб бориш мақсадга мувофиқ.