8-мавзу. Ишлаб чиқаришни ижтимоий ташкил этиш таянч атамалар ва иборалар

8-МАВЗУ. ИШЛАБ ЧИҚАРИШНИ ИЖТИМОИЙ ТАШКИЛ ЭТИШ


Таянч атамалар ва иборалар: ишлаб чиқаришни ижтимоий ташкил этиш, концентрациялаш, оптимал йирикликдаги корхоналар, ишлаб чиқаришни ихтисослаштириш, корхоналарнинг ихтисослашуви, буюмлар бўйича ихтисослаштириш, деталли ихтисослаштириш, технологик ихтисослаштирииш, коооперативлаштириш, буюмли (агрегатли) кооперативлашириш, технологик кооперативлаштириш, тармоқлараро кооперативлаштириш, районлараро кооперативлаштириш, комбинациялаштириш, комбинат, хомашёни тайёр маҳсулот олгунча кетма-кет босқичларда қайта ишлаш, ишлаб чиқариш чиқиндиларидан фойдаланишга асосланган ҳолда маҳсулот тайёрлаш, хомашёни ёппасига қайта ишлаш, хомашёни комплекс қайта ишлашга асосланган комбинатлаштириш


Режа:
8.1. Саноатда ишлаб чиқаришни ижтимоий ташкил этишнинг шакллари ва уларнинг ўзаро боғлиқлиги
8.2. Концентрациялаштириш, унинг шакллари ва кўрсаткичлари
8.3. Ихтисослаштириш, унинг шакллари ва кўрсаткичлари
8.4. Кооперативлаштириш, унинг шакллари ва кўрсаткичлари
8.5. Комбинатлаштириш, унинг шакллари ва кўрсаткичлари


8.1. Саноатда ишлаб чиқаришни ижтимоий ташкил этишнинг
шакллари ва уларнинг ўзаро боғлиқлиги
Мамлакат ишлаб чиқариш кучларининг ривожланишига уларни умумлаштириш ва ижтимоий меҳнат тақсимоти жараёнлари сезиларли таъсир кўрсатади. Саноатни концентрациялаштириш ва комбинациялаштириш ижтимоий меҳнатни йирик корхоналарда мужассамлаштиришни ифодаласа, ихтисослаштириш ҳамда кооперативлаштириш эса саноат тармоқлари таркибида меҳнат тақсимоти ва уларнинг ҳамкорлигини ифодалайди.
Меҳнат тақсимотининг ривожланиш даражаси ва уни умумлаштириш жамият ишлаб чиқариш кучлари ҳамда муносабатларининг такомиллашишида ўз аксини топади.
Ишлаб чиқаришни ташкил этишнинг бу шакллари мустақиллик туфайли ва миллий иқтисодиётни эркинлаштириш муносабати билан ўз моҳияти ва мазмунини, мақсад иа вазифаларини анчагина ўзгартирди. Айниқса ишлаб чиқаришни концентрациялаштириш, кичик ва ўрта корхоналарнинг пайдо бўлиши муносабати билан улар ўртасида уйғунлашув юзага келди.
Саноатда ишлаб чиқаришни ижтимоий ташкил этишнинг шаклларига қуйидагилар киради:
•концентрациялаштириш;
•ихтисослаштириш;
•кооперативлаштириш;
•комбинациялаштириш;