8 mavzu: etnomadaniyat va milliy o‘z-o‘zini anglash topshiriq : Quyidagi savollarga yozma javob bering

Umuminsoniy madaniy qadriyatlarning etnik madaniyat va milliy o‘z-o‘zini anglash bilan uyg‘unligi nimalardanamoyonbo’ladi?

Turli xalqlarning turmush tarzi va madaniyati, milliy xarakteri, mentaliteti tabiiy- geografik muhitga va shu asosda shakllangan xо‘jalik faoliyati hamda uning madaniy-xо‘jalik an’analari bilan chambarchas bog‘liqdir. Chunki tabiiy sharoitning ta’siri, belgilari etnik madaniyatning barcha sohalarida, ya’ni ishlab chiqarish vositalari, ayniqsa mehnat qurollari, turar joylar, uy-joy qurilishi, kiyim-kechaklari va rо‘zg‘or buyumlari, xо‘jalik-madaniy an’analari hamda xalqlarning etnik xususiyatlarida ham namoyon bо‘ladi.

Shubhasiz, bu borada О‘zbekistonning turli tarixiy etnografik mintaqalarida yashovchi etnik va etnografik guruhlarning etnomadaniy identikligi (etnik о‘zlikni anglash), nafaqat etnologlar uchun qiziqarli ilmiy muammo, balki zamonaviy etnomadaniy jarayonlarni tahlil qilishda ham muhim ahamiyatga molik bо‘lgan mavzulardan biri sanaladi.

О‘zbekistonning birinchi Prezidenti Islom Karimov ta’kidlaganidek: “О‘zbekiston – kо‘p millatli mamlakat. Albatta, asosiy kо‘pchilikni о‘zbeklar va boshqa tub xalq vakillari tashkil etadi. Ammo biz bugungi kunda tuprog‘imizda yashayotgan yuzdan kо‘proq millat va elat vakillarini, ularning madaniyatlari va an’analari rivojini ham о‘ylamasak bо‘lmaydi”².

Aynan mustaqillik yillarida mamlakatimiz- dagi 130 dan ortiq xalqlar va elatlar bilan birga О‘zbekistonda yashovchi arablarda ham milliy о‘zlikni anglash, an’analar³ va ma’naviy qadriyatlarni e’zozlash tuyg‘ulari rivojlanmoqda. Bunday tuyg‘ular etnik о‘zlikni anglash bilan birga, umuman insoniy qadriyat va manfaatlar mushtarakligini ta’minlashga qaratilmog‘i lozim.

Bugun О‘zbekistonda yashab kelayotgan turli millatlarning etnik о‘zlikni anglashi birinchidan, yosh avlodning milliy о‘zlikni anglashida, ularda axloqiy yetuklikni shakllantirishda va turmush tarzining rivojida muhim о‘rin tutsa, ikkinchidan, О‘zbekistonda yashab kelayotgan о‘zbek, qozoq, qirg‘iz, turkman, arab va boshqa millat, elat vakillarining etnik о‘zlikni anglashida milliy urf-odat va an’analarimizning ham о‘ziga xos о‘rni bor.

7.