8-ma’ruza detallarga mexanik ishlov berish usullari. Reja

Yаrim toza ishlov berish zagatovkalardan qora ishlov berishda pripusk to‘liq olinmaganida qo‘llaniladi. SHuningdek ishlov berish aniqligiga yuqori talablar qo‘yilgan paytda, va natijada har bir ishlov berish uchun ajratilgan pripusk qalinligini kamaytirish zaruriyati tug‘ilganda yarim toza ishlov berish operatsiyasi kiritiladi. Bu usulda ishlov berish aniqligi 11-12 kvalitet bo‘lib, yuza g‘adir-budirligi Ra 50-12,5 mkm bo‘ladi.

Toza ishlov berish detal yuzalarining aniqlik darajasi 8-11 kvalitet, yuza g‘idir-budirligi Ra 12,5-2,5 mkm oralig‘ida me’yorlangan holatlarda oxirgi ishlov berish turi hisobida qo‘llanilishi mumkin. Bu usul yuqori aniqlikda qo‘yib yoki aniq va boshqa usullar yordamida aniq olingan zagatovkalar uchun ham yagona ishlov berish usuli sifatida qo‘llanishi mumkin.

Toza ishlov berish shuningdek nozik yoki pardozlash ishlov berishlaridan oldingi oraliq ishlov berish usuli sifatida ham qo‘llaniladi.