8-mart “Xalqaro xotin-qizlar kuni”ga bag‘ishlab “Hayotimiz guli, oftobi ayol” mavzusida badiiy kechani samarali tashkil etish yuzasidan ish reja

8-mart “Xalqaro xotin-qizlar kuni”ga bag‘ishlab
“Hayotimiz guli, oftobi ayol” mavzusidagi badiiy kecha
SSENARIYSI

Bahorona kayfiyat bilan bezatilgan chiroyli sahnaga boshlovchi yigit va qiz kirib keladi. Bahorni tarannum etuvchi kuy sadolari ostida.

Boshlovchi: Ollohning jannati hoki poyingda,
Shunday tabarruksan, buyuksan. Ayol!
Sadoqat qalbingda, mehr ko‘rsatib,
Muhabbat yaratgan suyuksan, Ayol!
Boshlovchi: Garchi men ham ayol, qalbimda sukut,
Sening ta’rifingga ojizdir ayol.
Olam ta’zim etar, ko‘z yoshing unut,
Qadring shunday baland, ulug‘san. Ayol!
Shunday tabarruksan, buyuksan, Ayol!
Boshlovchi: Assalomu-alaykum davramizni yashnatib turgan aziz ayollar, muhtarama onaxonlar, aziz opa-singillar.
Boshlovchi: Assalomu-alaykum bugungi go‘zal davramizning aziz mehmonlari, munis onaxonlar, lobar qizlar, jozibali opa- singillar, xush kelibsizlar!
Boshlovchi: Bugungi go‘zal davramizga mehribon ustozlarni, muhtarama onaxonlarimizni, aziz opa-singillarimizni taklif qilganmiz. Biz bugungi bayram kechamizni “Hayotimiz guli, oftobi ayol” deb atadik. Ona mehri tufayli dunyo go‘zaldir, yurt obod va tinchdir. Bugungi davramizda siz azizlarni bayram bilan
tabriklash uchun so‘z guruh rahbari G. Janabergenovaga.
G. Janabergenova so‘zi:____________________
Boshlovchi: Ayolni ardoqla, qoshida egil,
Oyat bil har nafis mujgonlarini,
Ayol, u –volidang, ayol singlingdur,
Ayol sevguchidir o‘g‘lonlaringni
Ayolni sev, ko‘zlaridan o‘p,
Yuzlarini yuvsin sevinch yoshlari.
Ayolni ardoqla, uni hurmat qil,
Mehrob bil ko‘ylagin etaklarini!
Axir, ayollar bor jonini berib –
Omon saqlab qolgan erkaklarini!
Ayolni sev, ko‘zlaridan o‘p,
Yuzlarini yuvsin sevinch yoshlari!
Endigi kuy-qo‘shiqlar muqaddas ayollarimiz uchun.
Boshlovchi: Oppoq-oppoq kabutarga o‘xsharsiz,
Sarv ila suvanbarga o‘xsharsiz,
Charaqlagan ko‘zingizda bir umr
Kulib tursin baxtu iqbol, qizlarjon!