8-dars uy ishi. 8- mavzu. 1,2,3,5-topshiriqlar; 9- mavzu. 4-5-topshiriqlar; 10- mavzu. 9, 11, 13, 14, 15-topshiriqlar

13-topshiriq.
Bundan uch-to‘rt yil ilgari AQSHda yuz metrga yugurish bo‘yicha nogironlar olimpiadasi o‘tkazildi. Ishtirokchilar Daun sindromiga yo‘liqqan edilar. Yugurish boshlanganida, ishtirokchilardan birining oyog‘i toyib yiqildi va baqirib yubordi. Boshqa aqli zaif ishtirokchilar ham orqaga qaytdi. Ular musobaqani esdan chiqardi. Bir qiz yiqilgan odamning yoniga kelib, boshini siladi. “Sen, albatta, eplaysan”, – deb tasalli berdi. Shunda ishtirokchilar qo‘llarini bir-biriga berib, baravar yugurishni boshlashdi va marra chizig‘ini birgalikda bosib o‘tishdi.


14-topshiriq.

Suhbat	- Men katta bo‘lsam shifokor bo‘larkanman. Oyim bilan dadam doim shunaqa deyishadi. Sen katta bo‘lsang kim bo‘lasan? - Menmi? Men yaxshi oyi bo‘laman! - Yaxshi oyi qanaqa bo‘ladi? - Yaxshi oyi… Qo‘g‘irchoqlarimga kiyim tikaman deb pardani qirqqanimda urmaydigan, ertak o‘qib bering deganimda, har kuni “dadangga bor, men ertaga o‘qib beraman” demaydigan, devorga rasm chizganda “Qo‘ling sinib ketsin” demaydigan bo‘ladi…
Gumroh bandalar	Odamlarga hayronsan. Ota-onasi tirikligida ikki og‘iz shirin so‘zni tekinga aytmaydi-da, ular o‘lganidan keyin ming-ming pul sarflab, o‘sha so‘zlarni qabrtoshga yozdirib qo‘yadi…
Muhabbat	U suyuklisining bir lahzalik quvonchi uchun o‘zini qandaydir telbalarcha, ammo bilib-ko‘rib turib, bundan sira afsuslanmasdan, og‘rinmasdan, hattoki buyuk mamnuniyat bilan, ilohiy baxt og‘ushida qurbon qildi: avval borini qo‘shqo‘llab sochdi, yetmay qolganida qarz-havola ko‘tardi, o‘zini bitib ketgan boyon ko‘rsatdi, ayolni faqat shunday hayotga munosib deb bildi… Bor-yo‘g‘idan ayrilganidan so‘ng esa o‘zi birinchi bo‘lib ketdi. Shunday, kamzulini yelkasiga tashladi-yu, uydan chiqdi-ketdi…