8-amaliy mashg‘ulot Mis shteynlarini konverterlash uchun qo‘llaniladigan konvertorni hisoblash

8-amaliy mashg‘ulot

Mis shteynlarini konverterlash uchun qo‘llaniladigan konvertorni hisoblash.
Asosan, amaliyotda sig‘imi 40, 75, 80 va 100 tonna, uzunligi 6–10 m, diametri 3–4 m hamda furmalar soni 32 tadan 62 tagacha bo‘lgan konver­terlar keng ishlatilmoqda.

Gorizontal konverterlar silindrsimon egiluvchan aparat bo‘lib, jarayon uzlukli ravishda olib boriladi. Tashqi g‘ilofi 20 – 25 mm qalinlikdagi po‘lat listdan qoplangan bo‘lib, uning diametri 3 – 4 metr, uzunligi 10 metrgacha bo‘ladi. Ichki qismi to‘liq olovbardosh, xromomag­nezitli g‘isht bilan terib chiqilgan. G‘ilof bilan o‘tga chidamli g‘isht oralig‘iga olovbardosh qumli ashyo quyiladi. Buning sababi, harorat oshgan sari terilgan g‘isht kengayishi va o‘zining hajmini o‘zgarti­rishi mumkin. Konverter to‘rt juft soqqali g‘ildirakchalar ustida joy­lash­gan bo‘lib, elektrodvigatel va reduktor yordamida egilish uchun g‘ilof­ning har ikkala tomoniga g‘ishtli g‘ildirakchalar o‘rnatilgan bo‘la­di. Shuning uchun ham konverter gorizontal o‘q atrofida egilishi va yarim aylana holigacha aylanishi mumkin. Konver­terning orqa tomoniga havo purkash uchun furmalar o‘rnatilgan bo‘ladi. Konverterga bo‘g‘zi orqali suyuq holda shteyn quyiladi va hosil bo‘lgan toshqol, homaki mis hamda oqova texnologik gazlar ham bo‘g‘iz orqali chiqadi.

quyida konverterga taalluqli ayrim texnologik ko‘rsatkichlar keltirilgan:

Furmalardagi solishtirma

purkash sarfi, m3(sm3.min) 0,5–1,2

purkash bosimi, MPa 0,1–0,12

furmadan purkalanuvchi

purkash tezligi, m3/s 100–150

koeffitsiyenti, % 95–98

purkash ostida konverterning ishlash vaqti,% 65–80

havo sarfi, m3

1 tonna shteyn uchun 1250–1750

1 tonna homaki mis uchun 2100–5800

konverter toshqolining chiqishi, % 30–80

konverter toshqolining tarkibida, %:

mis 1,2–3,0

kremnezem 20–28

temir 50–55

misning olinishi, %: (o‘tishi)

homaki misga 87–92

konverter toshqoliga 3–6

qaytarmalarga 4–6

hokazo yo‘qotishlarga 0,5–0,8