79-son umumiy o’rta ta’lim maktabining Biologiya fani o’qituvchisi Lutfullayev Axliddinning,,havaskor biolog” nomli

Shu turdagi kasalliklarni bemorlarga va donorlarga yuqtirib qo’yishni oldini olish uchun, har bir qon markazi yuqori texnologiyalar bilan jihozlangan.
Bemorlar bilan ishlash va aholiga xizmat ko’rsatish jarayonida gigiyena qoidalariga qat’iy ravishda rioya qilinishi qonun bilan belgilangan.
Bugungi kunda butun dunyoda karantin va o‘ta xavfli yuqumli kasalliklar bo‘yicha epizootik va epidemik vaziyat jiddiyligicha saqlanib qolmoqda.
Butun jahon sog‘liqni saqlash tashkiloti ma’lumotiga ko‘ra, dunyoda o‘tgan yil davomida 394 ta o‘lat bilan kasallanish kuzatilib, ularning 83 nafari olamdan o‘tgan. Shuningdek, 962023 holatda vabo bilan kasallanish kuzatilib, ularning 21608 nafari, 1542 nafar kishi kuydirgi bilan kasallanib, ulardan 54 nafari, 234 nafar kishi Qrim-Kongo gemorragik isitmasi bilan kasallanib, ulardan 16 nafari halok bo‘lgan.
— Aslida 1944 yilda Qrimda, 1956 yilda Kongo davlatida bir guruh odamlarda ushbu kasallik aniqlanganligi sababli, unga «Qrim — Kongo gemorragik isitma kasalligi» deb nom berilgan, — deydi Respublika Davlat sanitariya-epidemiologiya markazi o‘ta xavfli yuqumli kasalliklar bo‘limi boshlig‘i Husan Saparov. — Shuningdek, ushbu gemorragik isitma kasalligining tabiiy o‘chog‘i, asosan chorva mollarida uchraydigan iksod kanallari orqali yuqadigan, aksariyat hollarda isitma va gemorragik belgilar (ichki va tashqi organlardan qon ketishi, badanda toshma toshishi, qontalashlar) bilan namoyon bo‘ladigan o‘ta xavfli yuqumli kasallik hisoblanadi. Qolaversa, karantin va o‘ta xavfli yuqumli kasalliklarning tabiiy o‘choqlari respublikamiz hududida ham uchrashi mumkinligi hisobga olinib, uning oldini olish maqsadida bir qator ishlar amalga oshirilmoqda.
— Vazirlar Mahkamasining 2014 yil 27 martdagi rejasiga asosan, barcha ma’muriy hududlarda o‘ta xavfli yuqumli kasalliklar, jumladan, Qrim-Kongo gemorragik isitma kasalligi bo‘yicha epidemik vaziyatga baho berish, tegishli profilaktik tadbirlar olib borilishi holatini o‘rganish, mavjud muammolar va ularni bartaraf etish masalalari Favqulodda vaziyatlar, Sog‘liqni saqlash, Ichki ishlar hamda Qishloq va suv xo‘jaligi vazirliklari vakillaridan iborat respublika ishchi guruhi zimmasiga yuklatilgan, — deydi Favqulodda vaziyatlar vazirligining tibbiy-biologik muhofaza bo‘limi boshlig‘i Abdisami Ahmatov.