7398b1cc-0a47-4d0e-b58e-dd2544d80cac pdf

 
g’olib bo’lolmaysiz! 
Gap  talashishning  o’ntadan  to’qqiztasining  natijasi-o’laroq,  har  bir  tomon 
o’zining  to’g’riligiga  oldigidan  ham  ko’proq  ishonib  qoladi.  Agar  Siz  gap 
talashishda g’olib  chiqsangiz,  demak  Siz  mag’lub  bo’lgan  tomonning  g’azabiga 
uchraysiz,  u  Sizning g’alabangizdan qattiq hafa bo’ladi.  Insonni yuzaki jihatdan 
ishontirgan bo’lsangiz ham, u hech qachon o’z fikridan qaytmaydi.  
  Dushman   topishning   eng  oson  usuli  va  qanday  qilib  bundan 

---

330 
 
qutulish mumkin? 
Agar Siz suhbatdoshingizga “Sen nohaqsan” desangiz, bu bilan uning obrusiga 
putur etkazgan bo’lasiz.  
Juda kamchilik insonlar  mantiqiy  fikrlaydilar. Ko’pchilik  hayotga to’g’ri  nazar 
bilan  qaramaydi,  nimalargadir  ishonadi,  boshqa  obru-e’tiborli  shaxslarning 
fikrlari  bilan  zaharlangan,  o’zi  haqida  juda  yuqori  fikrda,  qizg’anchiq, 
maqtanchoq va o’ziga juda ishongan bo’ladi. Shuning uchun ham ular o’z odatlari 
va ishongan narsalarini o’zgartirishni istamaydilar. Fikringizni qat’iy bildiradigan 
so’zlarni  ishlatmang,  ularning  o’rniga  “Fikrimcha”,  “Qo’rqamanki”,  “Faraz 
qilamanki”, “Menimcha” degan so’zlardan foydalanganingiz ma’qul. 
  Agar nohaq bo’lsangiz – buni tan oling! 
Agar  suhbat  davomida  qo’qqisdan  nohaq  ekanligingizni  bilib  qolsangiz, 
hamsuhbatingizdan  avvalroq  buni  tan  oling.  Bunda  hamsuhbatingiz  payqab 
qolganidan  so’nggi  uning  ayblovidan  avvalroq  o’zingizni-o’zingiz  tanqid  qiling. 
O’z shaxsiy xatolarini tan olmoqlik insonni umumiy darajadan yuqori qo’yadi va 
uning  qalbini  yaxshilik  hamda  tantana  bilan  to’ldiradi.  Esingizda  tursin:  “Janjal 
bilan ko’p narsaga erisha olmaysan, lekin kelishish bilan kutganingdan ham ko’p 
narsa olishingiz mumkin”. 
  Inson  qalbiga  eng  to’g’ri  yo’l  topish  uchun  unga  hech  qachon  bosim 
ko’rsatmang,  uni  hech  nimaga  majbur  qilmang  va  hech  kimni  o’z  nuqtai- 
nazaringizni  va  fikringizni  tan  olishga  majbur  qilmang.  Agar  boshqa 
odamlarning  o’z  fikringizga  qo’shilishlarini  istasangiz,  avval  boshdanoq  ularga 
do’stona uslubda muomala qiling. 
  Suqrotning muloqot qilish siri (insonni “Xa” deyishga majbur qiling). 
Biror  bir  inson  bilan  suhbat  qilishda  hech  qachon  u  bilan  Siz  va  u  turli  xil 
fikrlarda  bo’lgan  muammolar  mavzusidan  gap  boshlamang  va  zinhor  bu  haqda 
munozara qilmang.  Avval boshdan  u bilan bir  fikrda bo’lingan  masalalar  haqida 
gapiring va bularga urg’u bering. Suhbat davomida doimo ikkalangiz bir maqsad 
yo’lida  harakat qilayotganingiz  haqida  gapiring  va  ikkalovingiz orangizdagi  farq 

---

331 
 
masala  mohiyatida emas, balki uni hal qilish  usullarida ekanligiga alohida  urg’u 
bering. Hamsuhbatingiz avval boshdanoq “xa, xa” degan gaplarni gapirsin, unga 
“yo’q”  deyishga  iloji  boricha  imkon  bermang.  Har  qanday  inson  biror  bir  fikrni 
aytgandan so’ng, unga rioya qilishga  majbur bo’ladi, shuning uchun bu uni “xa” 
deb  javob  berishga  undash,  maqsadga  erishish  yo’lida  sehrli  kalit  bo’lib  hizmat 
qiladi. 
  Shikoyatlarni ko’rib chiqishda yordam beruvchi usul. 
Hamsuhbatni  o’z  fikringizga  ishontirish  kerak  bo’lganda  o’zingizning  juda 
ko’p  gapirishingiz  juda  ham  qo’pol  xato  bo’ladi.  Insonlarga  biror  bir  narsani 
zo’rlab sotish  mumkin emas,  ular  istasalargina  Sizdan  nimadir sotib oladilar.  Bu 
xolda  ham  Siz  shikoyat qilgan  insonga  o’z  fikringizni sotishingiz  kerak  bo’ladi, 
shuning  uchun  ularda  bunga  istak  uyg’otishingiz  maqsadga  muvofiq.  Esingizda 
tursin:  fikringizni  uqtirmoqchi  va  biror  bir  amaliy  natijaga  erishmoqchi 
bo’lsangiz,  iloji  yuoricha  ko’proq  vaqt  hamsuhbatingiz  gapirsin.  Siz  esa  asta-
sekin va ehtiyotkorlik bilan unga fikringizni tushuntirishingiz mumkin.