71 Qoramol kasalliklari indd

Дифференциал ташхиси.
Касалликни оқсил, везикуляр 
стоматит, озуқа тошмаларидан фарқлаш талаб этилади.
Даволаш.
Касал ҳайвонлар иссиқ, қуруқ хонага 
ажратилади ва тўйимли озуқалар билан боқилади. Ичадиган 
сувига калий йодид қўшилади. Уларда секундар инфекция 
ривожланмаслиги учун антибиотиклар яхши натижа беради. 
Сигирларни елинини тоза ва қуруқ сақлаш керак. Тошмаларга 
нейтрал ёғ ва малҳамлар билан ишлов берилади. Сут 
авайлаб соғилади ё катетер билан бўшатилади. 
Яра жойларга, шиллиқ пардалар, яралар йод, 3% 
ли хлорамин, 2% ли стрептоцид, йод-глицеринлар, рух, 
синтомицин, борат кислотаси малҳамлари билан ишлов 
берилади. Жароҳатланган жой калий перманганатнинг 
1:3000 нисбатдаги эритмаси билан яхшилаб ювилади.
20-30% ли вазелинда тайёрланган прополис сурилади.
Иммунитет
. Касалдан тузалгандан кейин умрбодлик 
иммунитет ҳосил бўлади. Қон зардобида преципитин, 
агглютинин, комплимент боғловчи ва вирусни нейтралловчи 
антителолар ҳосил бўлади 
Сигирлар хавфли ҳудудда кам ҳолатда одамлар учун 
ишлатиладиган 
чечак
 
вакцина вирусига қарши вакцина 
билан (0,5 мл 1:1000 суюлтирилган) эмланади.
Касалликни олдини олиш ва қарши курашиш чоралари. 
Фақат соғлом хўжаликдан ҳайвонларни олиб келиш ва 
келтирилган ҳайвонларни 30 кун профилактик карантинда 
сақлаш. 
Чечак
 
вакцинаси билан эмланган одамларни 14 кун 
ишдан озод этиш зарур.
Хўжаликда касаллик аниқланган тақдирда туман (шаҳар) 
бош ветеринария врачи далолатномаси асосида ҳоким 
қарори билан ушбу ҳудуд шу касаллик бўйича носоғлом, деб 
эълон қилинади ва унга 
карантин
ўрнатилади.

---

94
100 китоб тўплами
Касаллик чиққан фермаларда ҳар 3-4 кунда жорий 
дезинфекция ўтказилади. Бунинг учун асосан 2-3 % ли 
ишқорли эритмалар, 2% ли формалин, 20% ли фаол хлорли 
оҳак эритмаси қўлланилади. Мажбурий сўйилган молларни 
гўшти ветеринария врачи рухсати билан истеъмол қилинади. 
Соғилган сут хўжаликда қайта ишловдан ўтказилади. Шилиб 
олинган терилар эса 3% ли карбол эритмаси ёки 2,5% 
креолинда зарарсизлантирилади.