71 Qoramol kasalliklari indd

Касалликни олдини олиш ва қарши курашиш чоралари. 
Дайди ва ёввойи ҳайвонларни сонини тартибга солиш ҳамда 
қишлоқ хўжалик ва уй ҳайвонларини, уларнинг ҳужумидан 
ҳимоя қилиш керак.

---

82
100 китоб тўплами
Ободонлаштириш бошқармаларида махсус ит ушлаш 
бригадалари ташкил этиш, ички ишлар ходимлари ва 
овчилар билан биргаликда қутуриш касаллиги манбаи 
ҳисобланган дайди ит ва мушукларни ҳамда тулки, бўри, 
шақол каби ёввойи ҳайвонларни йўқотиш лозим. Аҳоли 
қарамоғидаги ҳайвонларни сақлаш қоидаларига риоя 
этилишини, рўйхатдан ўтказиш ҳамда режали равишда 
эмлаш тадбирларини ўтказиш талаб этилади.
Ҳайвонлар ўртасида қутуриш касаллигига якуний 
ташхис қўйилганда ва у бирор ҳайвон ёки одамни тишлаган 
бўлса, туман ветеринария бош нозири дарҳол бу ҳақда 
юқори ветеринария ташкилоти ва туман санитария-
эпидемиология назорати ходимларини хабардор этиши 
шарт. Кейин касаллик тўғрисида далолатнома ёзилиб туман 
ҳокими қарори билан касал аниқланган қишлоқ, ҳудуд ёки 
ферма 
носоғлом
деб эълон қилинади ва ўша жойга 
чеклов 
қўйилади. Ушбу ҳудуддаги барча турдаги қутурган, касалликка 
гумон қилинган ҳайвонлар ҳамда эмланмаган дайди итлар, 
мушуклар йўқотилади, бундан фақат ҳайвонни ёки одамни 
тишлаган ҳайвон мустасно. Одам ёки ҳайвонни тишлаган 
ит, мушук ёки бошқа ҳайвон махсус ит ушлаш бригада 
ходимлари томонидан ушланиб, ветеринария муассасасига 
касаллик белгиларини кузатиш учун келтирилади ва 10 
кун давомида кузатилади. Шу даврда ҳайвонда касаллик 
белгилари аниқланмаса, у эмланиб эгасига қайтарилади. 
Агар қутуриб ўлса, ундан мияси текшириш учун барча 
биохавфсизлик қоидаларига амал қилган ҳолда олинади, 
контейнерга жойлаштирилади ва йўлланма хат орқали 2-4 
соатдан кечикмасдан лабораторияга юборилади, ўлик барча 
чиқиндилари билан дарҳол ёқилади.

---

83
Қорамол касалликлари
71–
китоб