70-maktab internati tarbiyachilarining suxbati

Mustaqil ta’lim
Haqiqatdan ham, o’quvchi bilimini mustahkamlashda uyga vazifaning ahamiyati katta. Uy vazifasi qo’shimcha mashg’ulotlar orqali o’quvchilarning fanlarni yaxshi o’zlashtirishiga xizmat qilsa, yana bir e’tiborli jihati, ularni mustaqil bilim egallashga, qo’shimcha adabiyotlardan foydalanishga o’rgatadi. Bu esa ta’limning asosiy maqsadlaridan biridir. Mutaxasislarning ta’kidlashicha, tilni o’qitishda tinglab tushunish, gapirish, o’qish va yozish ko’nikmalarini bir maromda o’stirishga alohida e’tibor berish talab etiladi. Demak, o’quvchini mustaqil ta’lim olishga yo’naltirar ekanmiz, bunda leksika, grammatika, talaffuz va nutq materiallarini teng ravishda o’zlashtirib borishiga ahamiyat qaratish lozim.

Interaktiv usullar, rang-barang slaydlar, internet materiallari, o’zbek adabiyoti namoyandalari haqidagi badiiy filmlar, spektakllardan foydalanish ham yaxshi samara beradi. O’quvchilarni mavzu bo’yicha erkin va ijodiy fikrlash, qo’shimcha materiallardan mustaqil foydalanishga o’rgatish lozim.Natijada darsdan so’ng kutubxonada kitob mutoolasi bilan mashg’ul yoshlar safi kengayib, bilimlari ham boyib boradi. Maktab devoriy gazetasi ham o’quvchilarini mustaqil ishlashga o’rgatib, iqtidorlarini nomoyon etishga imkon yaratadi. Ijod namunalarini e’lon qilinishi yosh qalamkashlarning ruhini ko’taribgina qolmay, boshqa sinfdoshlarining ham qiziqishini kuchaytiradi.