7-modul. MÁMleketlik tilde is qaǵazlarín júrgiziw

Arzanıń bólimleriniń jaylasıw tártibi

Qay jerge, kimge ekenligi, arza jazıwshınıń jasaw jayı yaki jumıs ornı, lawazımı, ismi-sháriypi tolıq jazılıwı kerek. Arza Arzanıń mazmunı Арзаның мазмуны Qosımsha maǵlıwmatlar ismi-sháriypi qolı Sáne (kún, ay, jıl)

Úlgiler:
(akademiyalıq demalıs soraw haqqında)
Berdaq atındaǵı qaraqalpaq mámleketlik
universiteti Dene mádeniyatı fakultetiniń
dekanı ….…………….………..qa
usı fakultettiń 3^a kurs studenti D. Allambergenovtan
Arza
Sizden densawlıǵıma baylanıslı 2020-2021-oqıw jılına akademiyalıq demalıs beriwińizdi sorayman.
Arzama medicina mákemesiniń qararın qosa usınaman.

00.00.0000. (qolı) D. Allambergenov

(imtixanlardı qayta tapsırıw haqqında)

Ájiniyaz atındaǵı NMPI Tábiyiy pánler fakultetiniń dekanı …………………………qa usı fakultettiń 3^a kurs talabası Mırzabek Tilewovtan Arza Kesellenip qalǵanlıǵım sebepli qısqı semestrde juwmaqlawshı imtixanlarǵa qatnasa almadım. Endi sol semestr imtixanların tapsırıwǵa ruxsat beriwińizdi sorayman. Arzama shıpakerdiń bergen maǵlıwmatın qosa usınaman. 00.00.0000. (qolı) M.Tilewov

(miynet demalısına shıǵıw haqqında)

Nókis qalalıq Xalıq bilimlendiriw bólimine qaraslı 3-sanlı ulıwma orta bilim beriw mektebiniń direktorı....................................qa inglis tili hám ádebiyatı muǵallimi Venera Aydarovadan Arza 2020-2021-oqıw jılı ushın gezektegi miynet demalısına 2021-jıldıń 1-iyuldan baslap jiberiwińizdi sorayman. 00.00.0000. (qolı) V. Aydarova

DAǴAZA
Bul bir nárse haqqında xabarlaw. Daǵazanı gazetada, jurnalda basıp shıǵarıwga, yaki radio, televidenie arqalı járiyalawǵa, yaki arnawlı taxtalarǵa ildirip qoyıwǵa da boladı. Adamlar sol daǵazanı oqıw arqalı onıń mazmunı haqqında (májilis, ushırasıw, gúrrińlesiw, oqıwǵa yaki jumısqa shaqırıw) xabardar boladı. Daǵaza mákeme, shólkem yamasa ayırım jeke adamlar tárepinen jazılıwı múmkin.
Daǵaza tómendegi tártip penen dúziledi:

1. 
   Hújjettiń atı (Daǵaza).
   
2. 
   Hújjettiń mazmunı.
   

a) daǵazalanıp atırǵan ilajdıń ótkeriliw waqtı, ornı.
b) ótkeriletuǵın ilajdıń qısqasha mazmunı.
3. Daǵaza beriwshi shólkemniń atı (hákimiyat, partiya shólkemi, jazıwshılar shólkemi, JOO, jaslar shólkemi, kásiplik shólkem, basshı organlar) kórsetiledi.