7-mavzu Mamlakatda millatlararo (totuvlik), hamkorlik, va dinlararo bag’rikenglik, (tolerantlik) ijtimoiy barqarorlikni ta’minlash sharti

G’oyaviy tarbiyaning mohiyati. Shaxs tarbiyasining muhim yo’nalishi – bu g’oyaviy tarbiyadir. Bu – inson ongi va tushunchalari tizimida hayot haqidagi falsafiy, siyosiy, huquqiy, diniy, estetik, axloqiy, badiiy, kasbiy qarashlarni maqsadli shakllantirish jarayonidir. Har qanday tarbiya jarayoni oxir-oqibat, o’z maqsad va mohiyatiga ko’ra g’oyaviy tarbiyadir

.Ijtimoiy institutlarning an’anaviy, individual, jamoaviy mafkuraviy funktsiyalari. Milliy g’oyani rivojlantirishda ommaviy va siyosiy tashkilotlar, oila, mahalla, nodavlatnotijorat tashkilotlarning rolini oshirishning ahamiyati Mamlakatimizdagi mafkuraviy jarayonlarga ham shu nuqtai nazardan yondashish, milliy istiqlol g’oyasi va milliy mafkuramizni targ’ib qilishda zamonaviy texnologiyalardan foydalanish zarurligini ko’rsatadi. Milliy istiqlol g’oyasini yosh avlod ongiga singdirish muayyan uslublar asosida olib borilgandagina yaxshi natija berishi mumkin. Bu texnologik uslub tadbirlarning ketma-ketligi, miqyosi va me’yori, davomiyligi va tamoyillari singari jihatlarini qamrab oladi. Bu masalaning muhimligi yana shunda ko’rinadiki, targ’ibotda me’yorning buzilishi, miliy mafkura to’g’risida hadeb va noo’rin gapiraverish teskari samara berishi mumkin. Targ’ibot texnologiyasi milliy g’oya va milliy mafkura mazmunmohiyatiga mos bo’lgan taqdirdagina kutilgan natijaga erishish mumkin. O’zbekistonning mustaqil taraqqiyot strategiyasini, o’zbek xalqining buyuk davlat barpo etish borasidagi maqsad-muddaolarini, milliy istiqlol mafkurasining mohiyatini keng jamoatchilikka har tomonlama tushuntirish dolzarb vazifalardan biridir.