7-мавзу: Мафкуравий жараёнларнинг глобаллашуви жараёни ҳамда Ўзбекистоннинг геосиёсий келажаги

3. Мафкуравий жараёнларнинг глобаллашуви ва геосёсатда ахборот омили
Бугунги дунёда ахборот мухим ахамиятга эга булган сиёсий омил хисобланади. Дунё буйича хабар таркатувчи оммавий ахборот воситаларига эга булган давлатлар ер юзида кечаётган сиёсий вокеаларни уз манфаатларидан келиб чиккан холда талкин килади ва бошкаларга етказади. Таркатилаётган хабарлар асл хакикатдан йирок булганлиги туфайли купгина мамлакатлар ва халклар тажовузкор давлатларнинг таъсирига тушиб колмокда. Бу эса адолатсиз урушларнинг давом этишига олиб келмокда. Ана шу холатни назарда тутган холда ахборот ва оммавий ахборот воситалари омилини тахлил этишга харакат киламиз.
Маълумки, хукукий фукаролик жамиятида энг мухим демократик институтлардан бири – оммавий ахборот воситалари саналади. Ривожланган демократик тизимда “Тўртинчи хокимият” деб эътироф этилган оммавий ахборот воситалари икки мухим вазифани адо этади:
биринчидан, жамиятдаги сиёсий, иктисодий, маънавий, маърифий ислохотларни таргиб ва тахлил этади;
иккинчидан, жамиятдаги турли катлам фикрини ифодалаш баробарида ижтимоий фикрни шакллантиради ва йуналтиради. Демак, мамлакатдаги ижобий ўзгаришлар, иктисодий юксалишлар Оммавий ахборот воситаларининг мавкеи ва даражасини белгилайди. Ўз ўрнида ахборот воситаларининг эркин ва мустакил фаолиятини таъминламай туриб демократик ўзгаришларга эришиб бўлмайди. Юртбошимиз Ўзбекистон Республикаси Олий Мажлисининг иккинчи чакирик 9-сессиясида жамиятимиз олдидаги мухим стратегик вазифалар, давлат сиёсатининг устувор йўналиш хамда тамойилларини кўрсатиб, фукаролик жамияти асосларини шакллантиришдаги мухим устувор йўналиш сифатида сўз ва матбуот эркинлигини таъминлаш эканини шундай тахлил этади: “Жамиятимизни янада ривожлантириш ва сифат жихатидан янгилаш борасидаги тўртинчи ва ўйлайманки, энг мухим устувор йўналиш – бу инсон хукуклари ва эркинликларини, сўз ва матбуот эркинлигини, шунингдек, ошкораликни, жамиятда ўтказилаётган ислохотларнинг очиклигини таъминлайдиган демократик тамойилларни сўзда ёки когозда эмас, амалий хаётда жорий килишдир, десак хар томонлама тўгри бўлади”.[84]
Оммавий ахборот хукумат ва халк ўртасида воситачи сифатида сиёсий партиялар, давлат ва нодавлат ташкилотлари билан ижтимоий мувозанатни саклайди. Оммавий ахборот воситалари давлатнинг сиёсатини, муайян масалалар бўйича, нуктаи назарини, шу йўлдаги Фармон, карор ва конунларни халкка етказади. Ўз навбатида халк давлатнинг ички ва ташки сиёсатидан бохабар бўлади, уни тахлил этиб, ўзига яраша хулоса чикаришга интилади, ноконуний хатти-харакатларнинг олдини олишга харакат килади. Демак, оммавий ахборот воситаларининг мавжудлиги боис жамиятда халк хокимияти ва инсон хукуклари таъминланади.
Кенг жамоатчиликка таъсири, муайян ахборот ёки маълумотни зарурий даражада етказиш, аудиторияни камраб олиши, жамиятда кечаётган вокеа ва ходисаларни тўгри талкин этиш, таргибу ва ташвик килиш жихатидан оммавий ахборот воситалари турли даражага эга. Рус олими Е.Старобинский таъбири билан айтганда, хар соха ўзига яраша ахборот воситасини, хар бир бозор эса таргибот шаклини танлайди. Кишиларнинг айрим катлами эса ўзига мос арзон, сифатли ва кулай воситани танлаб, кўпрок маълумот олишга интилади.[85] “Деловой мир” журнали тахлилига кўра, ахолига тез таъсир килиши, киска фурсатда маълумотларни етказиш бўйича телевидение, барча ёшдаги кишиларни жалб этиши, таъсирчанлиги бўйича радио кулай ва арзон ахборот воситаси саналар экан. Ижтимоий-сиёсий вокеликни таргиб этиш ва муайян гоялар талкинини етказишда радионинг мавкеи юкори бахоланган.[86] Демак, мамлакатдаги ислохотлар жараёнида радио ва телевидение, газета ва журналнинг ўзига хос алохида ўрни мавжуд.
Оммавий ахборот воситалари ичида телевидение ва радио кучли мафкуравий таъсир ўтказадиган воситадир. Улар бир томондан журналист ва мутахассислар кўмагида таргибот олиб боради, сиёсий, иктисодий, хукукий муаммоларни тахлил этади. Иккинчи томондан хар бир фукарога ўз фикрини айта олишга имкон беради. Ахборот таркатишда телевидение ва радио
Аввало, сиёсий жараёнларда иштирок этиш, унинг асл максад-мохиятини англаш учун фукаронинг хабардорлик даражасини оширади;
Иккинчидан, ўтиш даври, тўгрироги аста-секин иктисодий юксалиш бўлаётган бир паллада пайдо бўлаётган муаммоларни тахлил этишда мухим вазифани амалга оширади;
Учинчидан, мафкуравий курашлар кучаяётган, ислом динига сиёсий тус берилаётган, “ислом дини” никоби остида ўзининг кабих – кўпорувчилик ниятини амалга ошираётган террорчилар гурухларининг кирдикорларини очик-ойдин тахлил этишда иштирок этади;
Тўртинчидан, дунё хамжамиятининг дардига айланган диний акидапарастлик, терроризм, сепаратизм иллатларини бартараф этишда телерадиоканаллар самарали ахборот таркатади.
Бугунги иллатларнинг туб илдизини, аникроги ахборот таркатиш манбаларини купориб ташлаш хусусида Ўзбекистон Президенти шундай ёзади: “Биз факат терроризмнинг ташки кўринишларига, бегунох одамларни отадиган, портлатадиган ва ўлдирадиган кимсаларга карши курашиш билангина бу офатни бартараф этиб бўлмаслигини бир неча бор таъкидлаганмиз. хаётнинг ўзи шуни кўрсатмокдаки, авваламбор, ушбу бало-казонинг бирламчи манбаларига карши курашиш даркор. Яъни ислом динини сиёсатга айлантираётган, ёвузлик ва террорчилик мафкурасини яратаётган кўплаб радикал ва экстремистик марказларнинг биринчи навбатда ёшлар онгини захарлаб, зомбига айлантириб, улардан террорчилар тайёрлаш бўйича конвеер ташкил этаётган, халифалик тузишда турли хом-хаёлларни амалга оширишга уринаётган кабих кишиларнинг илдизини киркиб ташлаш керак”.[87] Куриниб турибдики терроризм ва диний акидапарастлик айнан ахборот воситасида таркатилади.
Ахборот воситасида амалга ошириладиган хар кандай кўпорувчилик, хох сиёсий, хох иктисодий, хох харбий ё мафкуравий бўлмасин давлат ва жамият тараккиётига салбий таъсир кўрсатади, ислохотлар жараёнини сустлаштиради. Улкан микдордаги иктисодий зарар келтиради, давлатлар ўртасидаги муносабатларни салбий тарафга ўзгартиради, миллатлар, диний-этник гурухлар орасидаги зиддиятни кескинлаштириб, келиштириб бўлмайдиган даражага келтиради. Бу турли миллат, элат, диний конфессия, мазхаб ва йўналишларга мансуб бўлган, турли дунёкарашу тафаккур вакиллари яшайдиган Марказий Осиё, хусусан Ўзбекистон давлати учун нихоятда хавфлидир.
Демократия тамойилларини ёйиш, инсон хукукларини химоя килиш, глобаллашув жараёнини тезлаштириш, динларни такомил топтириш, нодавлат ташкилотлар фаолиятини дунё бўйлаб ёйиш, ривожлантириш ва мустахкамлаш бахонасида “Гегемонлик” гоясини сингдиришга интилаётган баъзи бир давлатлар оммавий ахборот воситаларидан ўз мафкурасини сингдиришда фойдаланмокда. Аслида терроризм, диний акидапарастлик, мутаассиблик, гиёхвандлик ва наркобизнесга карши курашда оммавий ахборот воситалари, айникса, радио ва телевидениея асосий ташвикот куроли бўлиши керак. Аммо гарблик сиёсатшуносларнинг фикрича, телевидения ва радио террорчиларнинг одамлар билан мулокот киладиган оддий воситага айланиб колди[88]. Бу жараён Европадаги ахборот воситаларида кўпрок сезилади. 1972 йил 5 сентябрда Германиянинг Мюнхен шахрида XX олимпиада ўйинлари бўлаётган бир вактда Арабистондаги “кора сентябрь” экстремистик ташкилоти исроиллик спортчиларни аввал гаровга олиб, сўнгра отиб ташлаган эди. Бу конхўрликнинг вакти, жойи, шакли тасоддифий эмас, олдиндан режалаштирилган. Дунё хамжамиятининг диккатини Араб - Исроил можаросига каратиш асосий максад хисобланиб, оммавий ахборот воситалари таргибот манбаига айланганди.
Ахборот таркатиш усули билан нафакат махсус контртеррористик харакатлар ўтказишни кийинлаштириш ёхуд терроризм гоясини таргиб килиш, балки жиноий харакатлар тайёрлаш тактикаси ва террористик максадларни амалга ошириш хам мумкин. Масалан, 1986 йилда бир гурух уюшган жиноятчилар Швеция бош вазири У.Тельманни вахшийларча ўлдиришади. Оммавий ахборот воситалари эса бош вазир ўлими тафсилоти ва тактикасини бутунича эълон килади. Орадан бир канча вакт ўтмай худди шу сценарий асосида банк директори З.Марбий ўлдирилади.
Мамлакатлардаги харбий хизматчилар, махсус хизмат вакиллари, хукукни химоя килувчи органлар, йирик сиёсатшунос олимлар оммавий ахборот воситаларини хар кандай холатда хам террорчиларга минбар сифатида бермаслик тарафдоридирлар. АКШ Мудофа Вазирлиги 1991 йилда 14 январда “Оммавий ахборот воситалари учун асосий коида ва кўрсатмалар” ни кабул килиб, одамларнинг хаётига хавф тугдириши мумкин бўлган ахборотни таркатишни таъкиклаб кўйди. 1996 йил Москвада бўлиб ўтган “Терроризмга карши кураш”, 1997 йилда Санкт-Петербургда ўтган “Халкаро терроризм ва янги ўлчовлар” халкаро анжуманларда мухим масала бўйича бир тўхтамга келинди: террористик ва антитеррористик харакатларни ёритиш билан боглик маълумотларни олиш ва таркатишда журналистларнинг хукукларини конунан чегаралаш зарур. Россия Федерацияси Президенти 1996 йил 7 мартда “Терроризм билан курашни кучайтириш хакида” Фармон кабул килиб, Бош Прокуратурага терроризм билан боглик вокеаларни оммавий ахборот воситалари томонидан ёритилишида Россия Федерацияси конунчилигининг бажарилиши устидан назоратни кучайтириш борасида тавсия хам берган.
Хулоса сифатида айтиш мумкинки, терроризм ва унинг окибатларини ахборот воситасида ёритиш, таргиб ва тахлил этишда икки тенденция кўзга ташланади: Биринчиси – ахборот терроризм иллатини бартараф этиш, унинг олдини олиш, манба ва илдизларини куритиш жараёнида таргибот манбаи. Иккинчиси – ахборот антитеррористик актларни ўтказишда халакит бериш баробарида уюшган жиноятчилар гурухи ва окимларининг реклама манбаига айланмокда.
Кейингиси Ўзбекистон оммавий ахборот воситаларига тааллукли эмас. Сабаби – биринчидан, истиклолнинг дастлабки куниданок Ўзбекистон давлати терроризм, диний акидапарастлик, мутассибликнинг огир окибатларини англаб, ахборот воситаларида Афгонистон, Тожикистон мисолида айта бошлади.
Иккинчидан, диний-этник ва миллатлараро нотинчликнинг жабрини биз бошкалардан олдинрок кўрдик (Паркент-Ўш) ва унинг “газак” отишига карши радио, телевидения ва матбуот кучидан хам фойдаландик.
Учинчидан, мавжуд ОАВ тўгрисидаги конунлар Ўзбекистон Республикаси Конституцияси, мудофаа тўгрисидаги конунларда бузгунчилик, кўпорувчилик ва парокандаликка карши кураш алохида кайд этилган.