7-mavzu. Farmatsevtika muassasalarida xodimlarning kasb kasalliklarini aniqlash va tibbiy ko’riklarni tashkil qilish tizimi Reja

Iqtisodiy sabablar. Mehnat muhofazasi masalalariga sovuqqonlik bilan qarash, shuningdek,oylik maoshlarni o‘z vaqtida berilmaslik va ishchilarning yuqori ish unumiga erishishga intilmasligi, ish sharoitlarini yaxshilashga etarli mablag‘ ajratilmasligi tufayli kelib chiquvchi sabablar hisoblanadi.

Ishchining aybi bilan sodir bo‘ladigan sabablar. Baxtsiz hodisalarga uning ehtiyotsizligi, intizomsizligi, ishga betob yoki mast holda kelishi sabab bo‘ladi. ¹

Kasb kasalliklari haqida tushuncha

Kasb kasalliklari – ishlovchi uchun uzoq vaqt davomida zararli va xavfli ish sharoitlarining ta’siri natijasida hosil bo‘ladigan holat. Kasb kasalliklarining kechishi unga sabab bo‘lgan zararli omillarning o‘ziga xosligi, kuchi, davomiyligi va ularning birgalikdagi ta’siriga bog‘liq. Bu kasalliklar ishlab chiqarishning zararli omillarini hisobga olgan holda belgilanadi. O‘zbekistonda kasb kasalliklari ro‘yxati O‘zbekiston Respublikasi Sog‘liqni saqlash vazirligi tomonidan tasdiqlanib, ishlab chiqarish texnologiyasining takomillashtirilishi, ish jarayonlarini kompleks mehanizatsiyalash va avtomatlashtirishning keng joriy etilishi, mehnat va dam olishning me’yorida tashkil qilinishi, zarar va xavfi yuqori bo‘lgan korxonalarda qisqartirilgan ish kuni belgilanganligi tufayli bu kasalliklar kamayib bormoqda. Kasb kasalliklarini oldini olish, davolash, mehnat muhofazasini tashkil qilish ishlari bilan O‘zbekiston Sanitariya, gigiena va kasb kasalliklari ilmiy tekshirish instituti shug‘ullanadi.

Kasbiy kasalliklar va shikastlanishlarning sabablari:

1. Tashkiliy ish joyini qoniqarsiz tashkil qilish;

2. Texnik nazoratning etarli emasligi;

3. Texnik-texnologik jarayonning mukammal emasligi;

4. Nobop mikroiqlim sharoitlari;

5. Yоritilganlikning etishmasligi va h.