7-mavzu: Dvigatellarga texnik xizmat ko‘rsatish asoslari

Tirsakli vallarni ta'mirlash

• Orqa bosh bo'yindagi tayanch podshipnikning yeyilishi elektr yoy yordamida suyuqlantirib qoplash usulida ta'mirlanadi. Gaz taqsimlash shesternasi va ventilator shkivining o'rnatish joylari tebranma yoy usulida suyuqlantirib qoplanadi, keyin nominal o'lchamgacha silliqlanadi. Suyuqlantirib qoplashdan avval shponka uyalariga grafit yoki mis shponkalar o'rnatiladi. Tirsakli val bo'yinlari ta'mir o'lchamidan ko'p yeyilgan bo‘lsa, flus qatlami ostida suyuqlantirib qoplash yo'li bilan, mexanik va termik ishlov berib ta'mirlanadi. Cho'yandan yasalgan tirsakli vallarni bunday usul bilan ta'mirlab bo'lmaydi. Agar tirsakli val chetidagi flanesning tepishi kuzatilsa, mexanik ishlov berisli bilan ta'mirlanadi.

Valni to'g'rilash.

• Valdagi egilish uncha katta bo'lmasa, bosh bo'yinlarning yeyilishi natijasida o'qdoshligining buzilishi silliqlash bilan bartaraf etiladi. Ancha katta egilgan po'lat vallar pressda yoki mahalliy yuzasini parchinlab to'g'rilanadi.
• Tirsakli vallar toliqish mustahkamligining pasayishi pressda to'g'rilashning asosiy kamchiligi hisoblanadi. Val bo'yinlarini silliqlash (shlifovkalash). Tirsakli val bo'yinlaridagi ovallik, konuslilik, o'yilishlar, korroziya, to'lqinsimonlik bo'yinlarni navbatdagi ta’mir o'lchami bo'yicha silliqlash yo‘li bilan bartaraf etiladi.

Nazorat savollari

1. Motor detallari nima sababdan yeyiladi? 2. Silindrlar blokida qanday nuqsonlar uchraydi? 3. Silindrlar blokini ta'mirlash usullarini aytib bering. 4. Silindrlarda qanday nuqsonlar uchraydi va ular qanday ta‘mirlanadi? 5. Porshenlardagi nuqsonlar qaysi ko'rinishda namoyon bo'ladi? 6. Porshenlar qanday ta'mirlanadi? 7. Shatunlarda qanday nuqsonlar uchraydi? 8. Shatunlarni ta'mirlash usullarini tushuntirib bering. 9. Tirsakli val uchun xos bo'lgan nuqsonlarni aytib bering. 10. Tirsakli vallami ta'mirlash usullarini aytib bering.